Salmib 24:2 - Quiché Bible

² Rumal rech chi are' ri Ajawaxel xcojow ri u tiq'uilibal ri uwächulew, co xutiq'uiba' paquiwi' tak ri plo xukuje' paquiwi' tak ri nima'.

Salmib 24:2 ပူးပေါင်းရင်းမြစ်များ

Chapletajic 8:22

“Joropa' k'ij ri cäjeki' ri uwächulew, kas amak'el c'o wi ticonijic xukuje' wächinic; cuban na k'ak', cuban na tew, cuban na k'alaj, cuban na sak'ij, cuban na pa k'ij, cuban na chak'ab.”

Ri Job 38:4

¿Jawije' at c'o wi aretak ri in co xintiq'uiba' ri uwächulew? ¡Chabij chwe, we kas nim ri awetamabal!

Salmib 136:6

Che ri xlic'ow ri ulew paquiwi' tak ri ja', junalic c'ut ri u lok'ok'ebal c'u'x.

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Salmib 89:12

Lal xq'uiyisam la ri iquiak'ab xukuje' ri mox k'ab; ri e juyub Tabor xukuje' ri Hermon cäquibixoj ri bi' la ruc' quicotemal.

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Salmib 95:4

Ri are' e c'o ri e u najil ri u pam ri ulew pa u k'ab; e rech ri juyub ri sibalaj naj e elinak chicaj.

Salmib 96:10

Chibij chque ri nimak tak tinimit: “¡Ri Ajawaxel are ajawinel!” Are' xjekeban ri uwächulew rech man cäslab taj; junam cuban che u k'atic tzij paquiwi' tak ri tinimit.

Ri Jeremiy 5:22

In, ri Ajawaxel quinbij: ¿La xa' man quina' ta iwib chnuwäch? ¿La xa' man quixbirbob ta chnuwäch in? In xincoj ri sanyeb che u c'ulbatil ri plo, jun c'ulbat ri man cäcuin ta ri plo coc'ow ta puwi'. Ri e u rekbala' xak lok' caquicoj qui chuk'ab quebel c'u ch'u'j, man c'u quecuin ta che u xalk'atixic.