Salmib 24:1 - Quiché Bible

¹ Rech ri Ajawaxel ronojel ri uwächulew, rachil ronojel ri c'o chuwäch, rachil conojel ri e c'asc'oj chuwäch.

Salmib 24:1 ပူးပေါင်းရင်းမြစ်များ

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Nabe Tzijobelil 29:16

¡O Ajawaxel, ka Dios, e ech la xukuje' uc' la e petinak wi conojel tak we k'inomal ri' ri ka mulin che u yaquic jun ja che ri tastalicalaj ri bi' la!

Ucab Tzijobelil 25:9

Ri Amasiy xuc'ot u chi' ri achi ri xtak ulok rumal Dios: Xubij, “¿jas c'u lo ri cac'ulmataj na ruc' ri oxc'al oxlajuj (73) quintal sak puak ri xinya' chque ri ajch'ojab aj Israel?” Ri achi ri xtak ulok rumal ri Dios xutzelej u bixic che: “Ri Ajawaxel c'o q'ui ruc' rech c'o na ri cuya' chawe.”

Ri Job 34:13

man c'o ta jachin che xuc'am wi ri cuinem che ajawinic puwi' ronojel ri uwächulew.

Ri Job 41:11

¿Jachin, ri cach'ojin ruc', a ma ta c'u lo c'o jas cuc'ulmaj a catch'äcan ta lo? ¡Man c'o ta jun pa ronojel ri uwächulew!

Ri Job 41:3

¿La cuta' ta lo tok'ob chawe chi chel a c'u'x che, a catubochi'j ta lo cuc' ch'uch'ujalaj tak tzij?

Salmib 50:10

e wech c'u in conojel ri juyubal tak awaj; xukuje' tak ri awaj ri e c'o pa tak ri juyub;

Salmib 50:12

We ta quinnumic, man quinbij ta na ri' chawe, wech c'ut ri uwächulew, xukuje' ronojel ri c'o chuwäch.

Salmib 89:11

Ri caj xukuje' ri ulew e ech la; lal xbanow la ri uwächulew xukuje' ronojel ri c'o chuwäch.

Salmib 89:12

Lal xq'uiyisam la ri iquiak'ab xukuje' ri mox k'ab; ri e juyub Tabor xukuje' ri Hermon cäquibixoj ri bi' la ruc' quicotemal.

Salmib 98:7

Chjinin ri plo xukuje' ronojel ri c'o chupam, ri uwächulew xukuje' conojel ri e c'o chuwäch;

Elem 19:5

Je c'u ri' we quinimaj ri quinbij chiwe, we kas quibano jas ri cubij ri nu c'ulwächinic, quixoc na che nu tinimit ri nim u k'ij chquixo'l conojel tak ri tinimit, wech c'u ronojel ri uwächulew.

Elem 9:29

Ri Moises xubij che ri ajawinel: “Xak xuwi quinel bic pa ri tinimit, quebenyac' ri nu k'ab chicaj, quintz'onoj tok'ob che ri Ajawaxel. Cätani' c'u ri cakulja, man cäkaj ta chic ri sakbach, rech quetamaj la chi ri Ajawaxel are ajchak'e ri uwächulew.

Ri Daniel 4:25

Are' c'u, ri lal quesax na la bic chquixo'l ri winak cäjeki' na la chquixo'l ri awaj; catij na la k'ayes, e jacha' tak ri wacax, are c'u ri räxk'ab cäch'akaban na ri cuerp la. Je c'u c'aslemal la wa', wukub junab c'ä cach'ob na la, chi ri Dios aj chicaj c'o u cuinem paquiwi' conojel tak ri ajawibal aj winak, chi are c'ut ri are' ri cäcojow jacha' che k'atal tzij jachin ri cuchomaj chi takal che.

Ri Miquey 4:13

¡Chatwalijok chabana' c'ut ri yak'oj, tinimit Sion! Cubij c'ut ri Ajawaxel: “In quinya' na ri u chuk'ab jun ama' wacax chawe ri e c'o ruc'a' re räx ch'ich' xukuje' tak rixq'uiak re k'an ch'ich', rech e q'ui ri tinimit ri quebumuchu. At cawesaj na ri qui k'inomal, ri xa' e qui t'orim quebatas c'u chwe, che ri Ajawaxel ri ajchak'e ronojel ri uwächulew.”

Ri Nahum 1:5

Chuwäch are' quebirbob ri c'ache'laj; ri tac'atak tak juyub queja'r chuwäch ri u wächbal. Ronojel ri ulew cabirbobic aretak carilo; ronojel ri uwächulew xukuje' conojel ri e jekel chuwäch.

1 Corintios 10:26

Rumal chi ri Ajawaxel are ajchak'e ri ulew, xukuje' ronojel ri c'o cho ri uwächulew.

U Camulixic ri Pixab 10:14

Chich'obo' ba' chi ri Ajawaxel ri i Dios rech ronojel ri caj xukuje' ri c'o sibalaj chicaj che ri caj, ri ulew xukuje' ronojel ri c'o chuwäch.