Salmib 23:3 - Quiché Bible

³ quebuya' c'ac' tak nu chuk'ab, quinuc'am c'u bic pa suc'alaj tak be, quinya' c'u u k'ij ri u bi'.

Salmib 23:3 ပူးပေါင်းရင်းမြစ်များ

Ri Job 33:30

cäresaj na pa u k'ab ri cämical, cuya' che chi cutakej rilic ri chäj.

Salmib 106:8

Xebucol c'u ri Dios xa u mac rech ri u bi', che u c'utic ri u cuinem.

Salmib 109:21

Are' c'u ri lal, Ajawaxel, chya' la u k'ij ri bi' la, chbana' la utzil wuc'. ¡Chincolo' la, rumal ri rutzil ri lok'ok'ebal c'u'x la!

Salmib 119:176

Nu jalon nu be jacha' jun chij; ¡petba' la che nu tzucuxic, man c'u e sachinak ta ri e takomal la pa nu jolom!

Salmib 19:7

Tz'akat ri u tijonic ri Ajawaxel, cuya' c'u c'ac' c'aslemal. Ri u takanic ri Ajawaxel jic, cuya' c'u retamanic ri man c'o ta retamanic.

Salmib 31:3

¡Lal ri' ri nimalaj abaj, ri nu cowilaj ja! c'ama' la nu be, chinch'uku c'u la; nim c'ut u k'ij ri bi' la.

Salmib 31:4

¡Chinesaj la pa ri c'amibal ri cojom pa ri nu be, lal ri lal ch'ukul wech!

Salmib 34:3

Ka k'ijilaj junam xa pa jun ch'abal ri u nimalil ri u bi' ri Ajawaxel.

Salmib 5:8

Ajawaxel, qui mac quech ri qui banom qui c'ulel chwe c'ama' la nu be chupam ri suq'uilal, chinc'ama' la bic chupam ri utzalaj be.

Salmib 51:10

Nu Dios, ¡cojo' la jun ch'ajch'ojalaj wanima'!, ¡ya' la jun c'ac' uxlabal chwe ri jic!

Salmib 51:12

Bana' la chwe chi quinna' chi jumul ri quicotemal ri cuya' ri colonic la; chinuc'aj la ruc' ri uxlabal la ri telechinel,

Salmib 79:9

Nu Dios, ka colonel, chujto' la, ¡chujesaj la pa ri c'ax, chäsacha' la ri ka mac, rumal ri u juluwem ri bi' la!

Salmib 85:13

Ri colomal cänabej na chuwäch are', cusuc'umaj c'u na ri u be.

E C'ambal tak Tzij 4:11

Ri in catinc'am na bic pa ri be re ri no'j: quinban na chawe chi catbin pa ri utzalaj be,

E C'ambal tak Tzij 8:20

In in benak pa ri suc'alaj be, pa ri alaj latz' be re suq'uilal.

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Jeremiy 31:25

Quintilichi'j na ri qui wa xukuje' ri cuq'uia' ri e cosinak xukuje' ri man c'o ta chi qui chuk'ab.”

Ri Jeremiy 31:8

Quenbana' chiwe chi quixtzelej ulok quiya' can ri ulew re ri iquiak'ab ri elebal k'ij, quixenmulij c'u na ulok pa ri q'uisbal u jutz' ri uwächulew. Quecachilaj ulok ri moyab xukuje' tak ri ch'ocojib, ri ixokib ri e yawab tak winak chic xukuje' ri c'äte xec'oji' tak cal; ¡ri quetzelej ulok e jun tinimit winak!

Ri Ezequiel 20:14

rumal c'ut u ya'ic u k'ij ri nu bi' man xinban taj, rech man cäyok' ta chquiwäch ri nimak tak tinimit ri xquilo jas ri xinban che quesaxic ulok pa Ejipt.

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Apocalipsis 3:19

In co quebench'abej conojel ri quebenwaj, quinc'äjisaj qui wäch. Chacojo' ba a chuk'ab che ri cabano, chaq'uexa' a c'u'x.