Salmib 17:1 - Quiché Bible

¹ Ajawaxel, kas suc' u tatabexic ri nu c'ulmam bana' la, choc la il che ri nu bochi'nic, tatabej la ri nu ch'awem uc' la, man quel ta c'u ulok chuchi' banal tzij.

Salmib 17:1 ပူးပေါင်းရင်းမြစ်များ

Ucab Samuel 22:24

In bininak colom chuwäch; nu najtajisam wib che ri etzelal.

Ucab Tzijobelil 7:15

Camic quinchaplej bic quebentatabej na ruc' oquem il ri tz'ononic ri queban na chupam we c'olbal ri',

Ri Nehemiy 1:6

quinbochi'n che la camic chi tatabej la ri ch'awem ri quinban chwäch la chi pa k'ij, chi chak'ab paquiwi' ri e pataninelab la, ri aj israelib. Quincoj wib chupam chi ri uj, ri uj aj israelib, uj macuninak chwäch la; ¡Xukuje' tak ne ri e wachalaxic xukuje' ri in, uj macuninak!

Ri Job 16:17

man c'o ta c'u ne jumul c'o ta tokinic nu banom ta che jachin jun xukuje' chi uxinak c'u ne ch'ajch'oj ri nu ch'awem ruc' Dios.

Salmib 102:2

Mac'u' ri palaj la chnuwäch aretak in ch'ibatajinak; ¡choc la il che nu tatabexic! ¡chinch'abej la ulok aretak quinsiq'uin che la!

Salmib 140:12

In weta'm chi ri Ajawaxel cuban suq'uil che ri meba', cuto' c'u u wi' ri ch'ibatajinak.

Salmib 142:1

Ruc' cowilaj rakoj chi'aj quintz'onoj ri u to'banic ri Ajawaxel, ruc' cowilaj rakoj chi'aj quintz'onoj elebal c'u'x che.

Salmib 142:6

Chya' la ri xiquin la che qui tatabexic ri nu rakoj chi'aj, man e c'o ta chi c'u nu chuk'ab. Chinesaj la pa qui k'ab ri in quiterenem pa wakan c'o c'u na qui chuk'ab chnuwäch in.

Salmib 143:1

Ajawaxel chtatabej la ri nu ch'awem uc' la; choc la il che ri nu bochi'nic. ¡Tzelej la u wäch ri nu tzij, lal c'u suc' xukuje' jic!

Salmib 145:18

Ri Ajawaxel, nakaj c'o wi chque ri cäquinataj ri u bi', ri cäquinataj ri u bi' ruc' ronojel canima'.

Salmib 18:20

Ri Ajawaxel u yo'm ri tojbal wech ri takal che ri ch'ajch'ojalaj nu c'aslemal,

Salmib 18:44

Aretak cäquita' ri nu ch'abal queniman chwe; winak ri man e nu winakil taj cäquiya' nu k'ij,

Salmib 43:1

Nu Dios, bana' la suq'uilal chwe; ¡Cojo' ib la wuc' che qui c'ulelaxic ri winak ri quequik'ijilaj diosib! ¡Chinesaj la pa u k'ab ri banal tzij xukuje' banal etzelal!

Salmib 54:4

Ri Dios c'ut are' quinto'wic; ri Ajawaxel u chajin ri nu c'aslemal.

Salmib 55:18

Quinuto' na pa tak ri ch'o'j; cuchajij ri nu c'aslemal, pune' sibalaj e q'ui ri quewalij chwij.

Salmib 61:1

Nu Dios, choc la il che qui tatabexic ri e nu rakoj tak chi'aj re k'oxomal. ¡Choc la il che ri nu ch'awem uc' la!

Salmib 61:2

Pa ri q'uisbal jutz' re ri uwächulew quintz'onon bic che la, are' c'u ri wanima' cätuktubic, chinto'tajisaj ba la puwi' jun nimalaj abaj.

Salmib 66:19

xinutatabej c'ut, xoc il che ri nu ch'awem.

Salmib 7:8

Ajawaxel, lal cäk'at la tzij paquiwi' ri nimak tak tinimit: k'ata' la tzij panuwi' jacha' chi in tz'akat pa ronojel; k'ata' la tzij panuwi' jacha' chi man c'o ta nu mac.

Salmib 84:9

Nu Dios, ch'ukul kech, chila la ulok ruc' elebal c'uxaj ri ajawinel ri xcha' la.

Salmib 86:1

Ajawaxel, chel c'u'x la che nu tatabexic sibalaj c'u quinbisonic xukuje' in meba';

Salmib 86:6

Ajawaxel, chtatabej la ri nu ch'awem, ¡choc la il che ri nu bochi'nic!

Salmib 88:3

Sibalaj nim ri c'ax ri kajinak panuwi', chi in c'o chi chunakaj ri cämical;

Ri Isaiy 29:13

Ri Ajawaxel xubij chwe: “We tinimit ri' xak caquitzijoj chi quinquipatanij cäquiya' c'u nu k'ij xak ruc' ri qui chi' naj c'u c'o wi ri canima' chwe, ri k'ijilanic ri cäquiya' chwe xak winak e chomaninak, quicojom c'u pa qui jolom.

Ri Jeremiy 3:10

Bantajinak chi c'u ronojel wa', ri Juda ri man jic taj mawi xutzelej ta rib wuc' ruc' ronojel ri ranima', xane' xa' subunic xuban chnuwäch. In, ri Ajawaxel quinjiquiba' u bixic.”

Ri Matey 15:8

‘We winak ri' xak chi qui chi' cäquinimarisaj nu k'ij. Are c'u ri canima' naj c'o wi chwe.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

1 Juan 3:21

Lok'alaj tak wachalal, we ri kanima' man c'o ta jas cujutzujuj wi, c'o u cu'lbal ka c'u'x ri' chuwäch ri Dios;