Salmib 15:3 - Quiché Bible

³ ri man c'o ta jun rajil u tz'akat cuyok'o, ri man cuban ta c'ax che ri rachil, mawi cäretzelaj u wäch ri u c'ulja;

Salmib 15:3 ပူးပေါင်းရင်းမြစ်များ

E C'ambal tak Tzij 22:10

Aretak quesax bic ri banal nimal, queq'uis c'u ri yojcorem xukuje' ri yajoj tak ib.

E C'ambal tak Tzij 25:3

Ri u chicajil ri caj, ri u najil u pam ri ulew xukuje' ri qui chomanic tak ri ajawinelab man e ya'tal ta qui ch'obic wa'.

Ri Isaiy 56:2

Sibalaj utz rech ri winak ri quebutakej, ri nim cäril wi ri k'ij re uxlanem man cutz'iloj ta c'ut, ri sibalaj cuchajij rib man cuban ta mawi jun jasach ri tz'il.”

Aj Levitib 19:16

Mawalijisaj tzijtal chquixo'l ri awinakil. Matuxic jun che u cämisaxic ri awajil a tz'akat. In ri' ri Ajawaxel.

Ri Matey 7:12

Je c'u ri', ronojel ri quiwaj chi cäquiban ri winak chiwe, jeri' xukuje' chibana' ix chque. Are c'u wa' ri cätakan wi ri pixab xukuje' ri xquitz'ibaj ri e k'axal tak tzij.”

Romanos 1:30

Caquibij c'axalaj tak tzij chquij ri niq'uiaj chic, cäquetzelaj u wäch ri Dios. Queyok'onic. Nimak cäquina' quib. Cäquitzijoj quib chi utzalaj tak jastak qui banom. Cäquichomaj itzel tak jastak rech cäquibano. Man cäquinimaj ta ri qui tat qui nan.

Romanos 12:17

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

Romanos 13:10

We jun c'o lok'ok'ebal c'u'x ruc', man cuban ta etzelal ri' che ri rajil u tz'akat. Are wa' ri u tz'akatisaxic ri pixab.

Ri Tit 3:2

man quequiyok' ta niq'uiaj chic, man caquiyac ta ch'o'j ruc' ri qui tzij xukuje' e banal tak utzil, chiquic'utu' quib chi e mach'ol ruc' canima' chque conojel.

Santiago 4:11

Wachalal, miyacala' tzij chiwij. Apachin ri cuyac tzij chrij ri rachalal o cuk'at tzij puwi' ri rachalal, chrij ri pixab cuyac wi tzij xukuje' cuk'at tzij puwi' ri pixab. We cak'at tzij puwi' ri pixab, man at ta ba' nimanel ri' che ri pixab, xane' at k'atal tzij.

3 Juan 1:11

Lok'alaj wachalal, maban ba awe ri etzelal, xane' chbana' ri utzilal. Apachin ri cuban utzilal, are ri' rech ri Dios. Apachin c'u ri cuban etzelal, man rilom ta u wäch ri Dios ri'.

Nabe Samuel 24:11

Kas chila' la ri c'o pa nu k'ab: ch'akap k'u' la, kas c'u xincuin ta ri' che cämisaxic la, man c'u xcämisax ta c'u la wumal. Ruc' wa' cäcuin la che u ch'obic chi ri in man nu chomam ta u banic jun c'ax che la mawi xak ta c'äte camajix la wumal, mawi c'u ne c'o ta jun mac nu banom ta che la. Quinokataj c'u la che resaxic ri nu c'aslemal.