Salmib 149:3 - Quiché Bible

³ Chibixoj ri u bi' cuc' xojowem, chebibixoj bix che cuc' cok'ebal arp xukuje' tak tzojtzoj.

Salmib 149:3 ပူးပေါင်းရင်းမြစ်များ

Ucab Samuel 6:14

Ri David u cojom bic jun atz'iak nim u k'ij re lino, cäxojow c'u ruc' ronojel ri u chuk'ab,

Ucab Samuel 6:16

Aretak xopan ri u caxa ri Ajawaxel chupam ri tinimit aj David, ri Mical, ri u mia'l ri Saul, xca'y ulok chupam ri wenta'n; aretak c'u xrilo chi ri ajawinel David cäch'opinic xukuje' cäxojow chuwäch ri Ajawaxel, sibalaj xretzelaj u wäch.

Nabe Tzijobelil 16:42

Wa' quecok'esaj trompet, ri quetecak tak k'an ch'ich' xukuje' niq'uiaj chaconisan chic che u banic ri k'ojom, ri que cachilaj tak ri bix ri quebixox che ri Dios. Ri e u c'ojol ri Jedutun are quekle'n ri quilixic ri e oquibal.

Nabe Tzijobelil 25:6

Conojel cac'am qui be rumal ri qui tat aretak quebixon pa tak ri k'ijilanic ri queban chupam ri rachoch Dios quecoj tak quetecak tak k'an ch'ich', nimalaj tak arp xukuje' tak ri guita'r ri sibalaj q'ui u c'amal. Ri Asap, Jedutun xukuje' ri Heman e c'o chuxe' ri u takanic ri ajawinel.

Ucab Tzijobelil 20:28

Aretak xebopan pa Jerusalen, xeboc chupam ri rachoch ri Ajawaxel cuc' nimalaj arp, ri guita'r ri sibalaj q'ui u c'amal, xukuje' trompet.

Ucab Tzijobelil 29:25

Ri Ezequiy xukuje' xebucoj chupam ri rachoch ri Ajawaxel aj levitib e cuc'am tak quetecak tak k'an ch'ich', nimak tak arp xukuje' tak guita'r ri sibalaj q'ui u c'amal, jas ri cholajil ri u cojom ri David, ri Gad, k'axal tzij chupam ri ajawibal, xukuje' ri Natan k'axal tzij ri e e qui yo'm, rumal rech chi we cholajil ri' are' yowinak ri Ajawaxel cumal ri e k'axal tak u tzij.

Ri Esdras 3:10

Aretak ri yacal tak ja xquicoj ri u tac'alibal ri Rachoch ri Ajawaxel, ri e cojol tabal tok'ob xetaq'ui'c, quicojom ri catz'iak ri cajwataj che ri k'ij ri' cuc'am tak ri trompet. Ri aj levitib ri e rija'lil ri Asap e cuc'am ri quetecak tak k'an ch'ich' che u k'ijilaxic ri Ajawaxel, jas ri u cholajil ri takanic ri u yo'm can ri David, ajawinel re Israel.

Salmib 30:11

E q'uexom la pa xojowem ri nu juyuwem esam la ri atz'iak re bis chwe, cojom la jun watz'iak re nimak'ij.

Salmib 33:2

Chiya' maltioxinic che ri Ajawaxel ruc' rok'ebal arp, chebibixoj bix che ruc' rok'ebal nimalaj arp,

Salmib 81:2

Chixbixon ruc' tzojtzoj, ruc' ri je'lalaj arp xukuje' ri nimalaj arp.

Salmib 81:3

Chiwok'esaj trompet aretak cäpe ri c'ac' ic', xukuje' aretak cänoj ri ic', are c'u u k'ijol ri nimalaj ka nimak'ij.

Salmib 87:7

E are c'ut ri quebixonic xukuje' ri quexojowic, je cäquibij wa: “Ri nu jekelibal c'o awuc'.”

Elem 15:20

Are c'u ri Mariy, ri k'axal tzij, rana'b ri Aaron, xuc'am jun tzojtzoj, conojel ri ixokib xeteri bic chrij quexojowic quetzojtzotic,

Ri Jeremiy 31:13

Ri alitomab quexojow na ruc' quicotemal, xak junam caquiban na ri alabom xukuje' ri ri'jab. In quinya' na u cu'lbal qui c'u'x: quinq'uex na ri quijuyuwem pa jajatem, quinya' c'u na jun quicotemal chque ri c'o na chuwäch ri qui k'oxomal.

Ri Jeremiy 31:4

Quinban chi na a banic, Israel. Catpe chi na jumul e awuc'am tak chinchin che xojowem ruc' quicotemal.

K'atal tak Tzij 11:34

Aretak ri Jepte xtzelej cho rachoch pa Mizpa, xa c'u jun ri u mia'l c'olic, are c'u wa' ri xel ulok che u c'ulaxic, cäxojowic cätajin cuk'osij chinchin. Xuwi c'u ri are' c'olic, man e c'o ta chi niq'uiaj ralc'ual,