Salmib 140:3 - Quiché Bible

³ Tz'ipitz'ic ri cak' jacha' ri rak' cumätz; ri e qui tzij e junam ruc' ri e u ware ri sachoj.

Salmib 140:3 ပူးပေါင်းရင်းမြစ်များ

Chapletajic 3:13

Ri Ajawaxel Dios xuc'ot chi u chi' ri ixok, xubij che: “¿Jas ri a banom?” Ri ixok xubij che ri Dios: “Xinusub ri cumätz, rumal ri' xintij ri u wäch ri che'.”

Salmib 57:4

In liq'uin, cho ri ulew, chquixo'l tak coj ri e tijol tak winak; ri qui ware junam cuc' ri tz'imaj ch'ich' xukuje' tak ri ch'ab, ri cak' junam ruc' jun ch'ich' re ch'o'j ri banom u pa u chi'.

Salmib 58:4

Quecämisanic e jacha' ri sachoj; e junam ruc' jun cumätz ri cäcämisanic ri cuban rib chi man cätan taj, ri quebutz'apij ri e u xiquin

Salmib 59:7

cäpuluw ri u pa qui chi', je cäquibij wa' cuc' tak tzij ri quesoconic: “¡Man c'o ta jachin ta cujtatabenic!”

E C'ambal tak Tzij 12:18

E c'o jachin tak quesocon cumal ri qui tzij, quech'aw c'u ri c'o qui no'j cäquiya' c'u utzil.

E C'ambal tak Tzij 23:32

Are c'u ri u q'uisbalil xak junam ruc' jun cumätz ri cacatzanic cuya' c'u k'oxomal.

E C'ambal tak Tzij 6:14

ri u chomanic nojinak che etzelal, amak'el are cuchomaj u banic ri lawaloyil, xukuje' cätzurun che qui banic tak ch'o'j.

Ri Isaiy 59:13

Uj uxinak man ch'abexic ta cäkaj xukuje' man uj ta jic chuwäch ri Ajawaxel, man xkaj taj xkaterenej ri ka Dios, e ka tzijom tokinic xukuje' ri e jachanic ri quieb qui wäch, e ka banom ka chomanic che qui subic niq'uiaj chic.

Ri Jeremiy 9:3

Amak'el xak e c'o che qui bixic banoj tak tzij e jacha' ta ne chi quequitzokopij tak ch'ab cumal q'uiakbal ch'ab. Chupam ri ulew are cätakan ri banoj tzij man are ta ri kastzij; xa' cätajin quenimatajic, cujiquiba' c'u u bixic ri Ajawaxel: “Man cacaj ta chi c'ut caquich'ob nu wäch.”

Ri Jeremiy 9:5

chquijujunal cäquetz'bela' tak qui wäch, man c'o ta c'u jachin jun cubij ta ri kastzij. Quinak'atisam tak quib che u banic ri banoj tzij; e banal tak etzelal, man queticar ta

Juyuwem 3:62

ri e qui yok'onic tak ri qui banom qui c'ulel chwe, ri xak amak'el quinquiyoko' che u banic c'ax chwe.

Ri Matey 12:34

Ix quija'l cumätz. ¿La quixcuin lo quibij ta utzalaj tak tzij, ix itzel tak winak c'ut? Che c'u ri tz'ebenic ri c'o pa ri ranima' ri winak, are wa' quel ulok pa u chi'.

2 Corintios 11:3

Quinxe'j c'u wib chi je jacha' ri cumätz xusub ri Eva ruc' ri u nawinic, xukuje' ri ix quiya' iwib pa subic, quequitas ta c'u quib ri e i chomanic che ri ch'ajch'oj xukuje' ri jicalaj u k'ijilaxic ri Crist.