Salmib 140:12 - Quiché Bible

¹² In weta'm chi ri Ajawaxel cuban suq'uil che ri meba', cuto' c'u u wi' ri ch'ibatajinak.

Salmib 140:12 ပူးပေါင်းရင်းမြစ်များ

Nabe Ajawinelab 8:45

tatabej la ulok c'ä pa ri caj ri ch'awem ri cuban uc' la xukuje' ri u bochi'nic, to' c'u la u wi'.

Nabe Ajawinelab 8:49

chtatabej tak la ri qui ch'awem uc' la xukuje' tak ri qui bochi'nic c'ä pa ri caj, c'ä pa ri c'olbal jawije' ri lal jekel wi ulok, chesaj c'u la chupam ri c'ax.

Salmib 102:17

aretak choc il che ri u bochi'nic ri wonobam, ma ta c'u mat chtatabej la ri e u bochi'nic.

Salmib 12:3

Ajawaxel, cheboko la ri quesubunic xukuje' ri cäquinimarisaj quib,

Salmib 12:4

ri cäquibij: “Xuwi ta ne we c'o ka chi' chubana' chke; ri kak' cäto'w ka wi'. ¿Jachin ta lo ri cuchajij anima' che ka takic?”

Salmib 22:24

Ri are' ma ta coc il mawi xak ta caroc'owisaj ri qui rikoj c'ax ri mebayib, mawi cuc'u' ta rib chquiwäch. ¡Ri are' quebutatabej aretak caquitz'onoj ri u to'banic!

Salmib 35:10

Ruc' ronojel wanima' quinbij na: “¿Jachin ta ri cäjunamataj uc' la, Ajawaxel? Ri mebayib xukuje' ri c'o qui rajawaxic queto' la pa qui k'ab ri c'o na qui chuk'ab chquiwäch, ri quet'orin ri jastak quech.”

Salmib 72:4

¡Chubana' suq'uilal ri ajawinel chque ri mebayib! ¡Chebuto'tajisaj ri calc'ual ri c'o qui rajawaxic, chebuxak'alej c'ut ri e banal tak c'ax!

Salmib 9:4

Ri lal, lal jun suc'alaj k'atal tzij: lal t'uyul puwi' ri tem la re ajawibal, che u banic suq'uilal panuwi'.

E C'ambal tak Tzij 22:22

Mawoc'owisaj u wi' ri caban che ri meba' rumal rech chi meba', mawi mac'axc'obisaj ri man cäcuin taj cuto' rib, chquiwäch ri k'atal tak tzij.

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.

Ri Jeremiy 22:16

Xuto' qui wi' ri mebayib xukuje' ri man cacuintaj cuto' rib, rumal ri' utz xel pa ronojel. Are wa' ri cäbixic chi are wa' ri retamaxic nu wäch. In, ri Ajawaxel Dios, quinjiquiba' u bixic.

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.