Salmib 137:3 - Quiché Bible

³ Chila', ri xujquic'am ulok che patanijic ri xetokin ronojel chke, caquitz'onoj chke chi chujbixon ruc' quicotemal; ¡chi chekabixoj bix aj Sion chquiwäch!

Salmib 137:3 ပူးပေါင်းရင်းမြစ်များ

Nabe Tzijobelil 15:27

Ri David u cojom jun u k'u' re ch'uch'ujalaj lino jacha', xukuje' conojel ri e aj levitib ri e teleninak ri caxa; ri e ajbixab xukuje' ri Quenaniy, ri c'amowinak u be ri k'axenic; ri David u cojom c'u ne bic jun ratz'iak nim u k'ij re lino.

Nabe Tzijobelil 16:7

Kas c'u pa ri k'ij ri' ri David xuya' takanic nabe mul chi ri Asap xukuje' tak ri e rachil chiquichaplej u ya'ic we k'ijilanic ri' re maltioxinic che ri Ajawaxel:

Ri Nehemiy 4:2

Jewa' xubij chquiwäch ri e rachil xukuje' chquiwäch ri ajch'ojab aj Samar: “We aj judeyib ri' ri cämic caquiban rumal wi'jal, ¿la caquichomaj chi c'o qui banic? ¿La are ta c'u lo pa qui c'u'x chi queyok ta chque chi quequichi'j ta chi jumul tabal tak tok'ob? ¿O chi quecuin ta che u q'uisic ri qui chac pa jun k'ij? ¿O chque ta ri jujun tak mulaj ch'akatak tak abaj ri xekawic quequesaj ta wi c'ac' tak abaj?”

Salmib 65:1

Nimalaj Dios re Sion, ¡lal ya'tal ri k'ijilaxic la! ¡Ya'tal che la chi quetz'akatisax ri quechi'x che la,

Salmib 79:1

¡Nu Dios, ri quequik'ijilaj tak diosib qui majim ri jastak ech la! ¡Cawasim ri tastalicalaj achoch la quiyojyobisam c'ut ri Jerusalen!

Salmib 80:6

Banom la chke chi uj uxinak qui tze' ri e ka c'ulja, e are' c'ut ri e ka c'ulel chäquitze'j ka wäch.

Salmib 9:14

Je c'u ri' chquichi' tak ri oquibal pa Jerusalen, quinbij na che ronojel winak chi ya'tal k'ijilaxic la, chi in tewichitalic rumal rech chi xinto'tajisaj la.

E C'ambal tak Tzij 25:20

Qui bixoxic bix che jun anima'aj ri ch'ibatajinak xak junam ri' ruc' ri u q'uiakic ch'am chuwäch ri ch'a'c, o ri u k'olixic ri atz'iak pa ri k'ijol rech tew.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Ri Isaiy 51:11

Jewa' xukuje' ri quitzelejic ulok ri quetorotaj na rumal ri Ajawaxel, queboc c'u na pa Sion ruc' rakoj tak chi'aj re quicotemal; ri qui palaj sibalaj cäja'jat na, cäquirik na utzil, quicotemal, ri k'oxomal xukuje' ri ok'ej cäsach na qui wäch.

Ri Jeremiy 26:18

“Pa tak ri u k'ijol ri Ezequiy, ajawinel re Juda, ri Miquey aj Moreset xutzijobej ronojel ri tinimit Juda pa ri u bi' ri Ajawaxel, je xubij wa' che: ‘Ri Ajawaxel ri c'o ronojel u cuinem je cubij wa': Ri Sion caq'uextaj pa jun ulew c'upum, Ri Jerusalen cux na jumulaj etzeletajic, ri u wi' ri juyub ri c'o wi ri rachoch Dios cänoj na che patzapak tak k'ayes.’

Ri Jeremiy 9:11

Quenbana' che ri Jerusalen chi cux jumulaj abaj, chi cux qui warabal xexalaj tak awaj; quinban na chi ri tinimit tak re Juda quebux na chaki'j uwo sak, man c'o ta chi c'u winak quecanaj ta chi can chupam.”

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Lucax 21:6

“We jastak ri' ri quiwilo, quepe na k'ij aretak man cäya' ta can jun abaj puwi' jun chic, xane' ronojel cäwulix na.”