Salmib 135:7 - Quiché Bible

⁷ Cuwalijisaj sutz' chutza'm ri uwächulew, cuban ri caypa' che u c'utic chi cäpe ri jäb, cäresaj ulok ri quiakik' pa ri u c'olbal.

Salmib 135:7 ပူးပေါင်းရင်းမြစ်များ

Nabe Ajawinelab 18:1

Xbin ri k'ijol, oc'owinak chi oxib junab, ri Ajawaxel xuch'abej ri Eliy xubij c'u che: “Jät, jac'utu' awib chuwäch ri Acab, quintak c'u na jäb puwi' ri ulew.”

Ri Job 5:10

Ri are' cutak ulok ri jäb cho ri uwächulew, ruc' c'u wa' quebujaj tak ri ulew;

Salmib 107:25

Rumal c'ut ri u ch'abal ri Ajawaxel xwalij jun nimalaj quiakik' ri xuwalijisaj u wäch ri ja';

Salmib 148:8

¡Ri cakulja, ri sakbach, ri sakalaj tew xukuje' ri mayul! ¡Ri quiakik' ri cäjich'ich'ic ri cunimaj ri u takanic!

Salmib 78:26

Ri quiakik' re elebal k'ij, ri quiakik' re u mox elebal k'ij xejich'ich' cho ri caj; ¡ri Dios xebuc'am ulok ruc' ri u cuinem!

Ri Jeremiy 10:13

Ruc' ri u ch'abal re cakulja cubano chi cawulul ri ja' pa ri caj, cubano chi quewalij bic ri sutz' tza'm ri ulew, cubano chi querepelaj tak ri caypa' pa u niq'uiajil ri jäb caresaj c'u ulok ri quiakik' jawije' ri u c'olom wi.

Ri Jeremiy 14:22

¿La c'o ta pu lo chquixo'l ri diosib ri quequik'ijilaj ri e k'ijilal tak diosib jun ri cäcuintaj cukasaj ri jäb? ¿La xak ta pa u lo pa rech wi ri caj quebutak ulok ri jäb? ¡Jayi', Ajawaxel, ka Dios! Lal ri' quebetak la ulok, lal ri' ri cäbanow la conojel we jastak ri'; ¡rumal ri' cujeyem che la!

Ri Jeremiy 51:16

Ruc' ch'abal re cakulja cubano chi cayojoj ri ja' pa ri caj, cubano chi cäpaki' ri sutz' kas chutza'm ri ulew, cubano chi querepelaj ri caypa' pa u niq'uiajil ri jäb curesaj c'u ulok ri quiakik' jawije' ri u c'u'm wi.

Ri Jonas 1:4

Ri Ajawaxel xutak ulok jun nimalaj quiakik', xwalij c'u jun nimalaj quiakik' jäb puwi' ri plo ri je ta ne ri cuban ch'akatak che ri jucub.

Ri Zacariy 10:1

Chitz'onoj che ri Ajawaxel ri q'uisbal tak jäb, are' c'u ri Ajawaxel ri queyo'w tak ri caypa', quebutak na ulok chiwe ruc' tz'ebenic, chque c'u conojel cuya' na k'ayes pa tak ri juyub.

Ri Xuan 3:8

Ri quiakik' cäbe xa apawije' cäraj cäbe wi, cätataj ri u jininem. Man aweta'm ta c'ut jawije' cäpe wi, mawi jawije' cäbe wi. Jewa' xukuje' conojel ri e alc'ualam rumal ri Uxlabaxel.”