Salmib 135:6 - Quiché Bible

⁶ Ri Ajawaxel cuban ronojel ri caraj, xak junam pa ri caj xukuje' cho ri uwächulew, xak junam pa ri plo xukuje' pa conojel tak ri siwan.

Salmib 135:6 ပူးပေါင်းရင်းမြစ်များ

Salmib 115:3

Ri ka Dios c'o pa ri caj; ri are' u banom ronojel ri xraj.

Salmib 33:11

are c'u ri u chomanic ri Ajawaxel cäjeki' na chbe k'ij sak.

Salmib 33:9

Aretak c'u xch'awic, ronojel xbantajic; xtakanic, ronojel c'ut co xjeki'.

Ri Isaiy 46:10

In quinya' u bixic ri q'uisbalil kas pa ri tictajic; kas ojer ulok nu yo'm u bixic ri cäpe na. In quinbij: Ri quinchomaj qui banic quebantaj na in quinban na ronojel ri quinchomaj u banic.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Ri Amos 4:13

Ri Ajawaxel, ri quebutzuk' tak ri juyub xukuje' cuq'uiyisaj ri quiakik', ri quebuya' retamaxic tak ri e u chomam u banic che ri winak, ri cujalwächij ri chäj pa k'ekumalil, ri quebubinibej tak ri ulew ri sibalaj naj e elinak chicaj, ri Ajawaxel, ri i Dios ri c'o ronojel u cuinem: are' wa' ri u bi'.

Ri Amos 9:6

Ri Ajawaxel u cojom ri u jekelibal pa ri caj puwi' c'ut ri räxalaj caj ri c'o puwi' ri uwächulew; ri are' quebusiq'uij ri ja' re ri plo quebujamij c'u puwi' ri uwächulew. Ri Ajawaxel, are' wa' u bi'.

Ri Matey 14:25

Pa ri u sakaribal c'ut ri ucab k'ij, ri Jesus xbe cuc', cäbin puwi' ri ja'.

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.