Salmib 132:12 - Quiché Bible

¹² “Quincoj na pa ri a tem re ajawibal jun chque ri e awija'lil. We ri e a c'ojol quequitz'akatisaj ri nu c'ulwächinic xukuje' ri e nu takanic ri quebentijoj chque, xukuje' ri e qui c'ojol ri e are' quet'uyi na pa ri a tem re ajawibal chbe k'ij sak.”

Salmib 132:12 ပူးပေါင်းရင်းမြစ်များ

Nabe Ajawinelab 2:4

Are c'u ri Ajawaxel co cutiq'uiba' ri chi'nic ri xuban chwe, chi we ri e nu c'ojol caquichajij ri qui c'aslemal, quebin c'u pa ri kastzij chuwäch ri are', ruc' ronojel ri canima' xukuje' ruc' ronojel ri qui c'aslibal, mawi ta jumul ri' ma ta c'o jun wachalaxic ri ma ta cac'oji' na puwi' ri tem re ajawibal aj Israel.

Nabe Ajawinelab 8:25

Je c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: ruc' ri tok'ob la, chi mawi jumul ma ta c'o jun rija'lil ri ma ta cäpaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal utz ta c'u ruc'äxic ri qui c'aslemal caquiban chwäch la jacha' ri xuban ri are'.

Ucab Tzijobelil 7:18

in co quinjekeba' na ri awajawinic jas ri xinya' u bixic che ri David, ri a tat, aretak xinbij chi mawi jubik' ri ma ta c'o na jun awi'jalil ri ma ta cajawin na pa Israel.

Salmib 102:28

Cäya' la jicomal chque ri e quija'lil ri e pataninel tak ech la; kas chwäch c'u la quejekeba' wi na la.

Salmib 115:14

¡Chi ri Ajawaxel chebupok'isaj ri e iwija'lil xukuje' ri e quech ri e i c'ojol!

Ri Isaiy 59:21

Ri Ajawaxel cubij: “In quinban jun c'ulwächinic iwuc', kas quinban c'u na ri quinbij chi ri nu cuinem xukuje' ri no'jibal ri nu yo'm chiwe, mawi jubik' cäquitas ta quib chiwe mawi chque ri e iwalc'ual chbe k'ij sak.”

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Jeremiy 33:17

In, ri Ajawaxel, quincha': Mawi jubik' ma ta c'o jun rija'lil ri David ri ma ta cat'uyi' na puwi' ri tem re ajawibal aj Israel,

Hechos 2:30

Are c'u ri David k'axal tzij, xukuje' reta'm chi ri Dios u banom ri chi'nic ri kas cäban na pa ri u bi' chi jun chque ri e rija'lil cucoj na che ajawinel.