Salmib 127:2 - Quiché Bible

² Man c'o ta cupatanij cächaplex ri chac xuwi quel ulok ri k'ij c'ä cäkaj na ri k'ij cätijow c'u jun wa ri ch'äcon ruc' c'axc'olil, cuya' c'u ne' ri Dios chque ri e rachil pune' man caquesaj qui waram.

Salmib 127:2 ပူးပေါင်းရင်းမြစ်များ

Ri Job 11:18

Cac'oji' c'u na aweyebal c'uxaj c'äte c'u ri' catc'asi' na ruc' cu'bisabal c'uxaj; catwar na pa jamaril chuxe' ri u chajinic ri Dios.

Salmib 3:5

quink'oyic, quinwar c'ut, quinc'astaj chi c'ut, rumal rech chi ri Ajawaxel cuya' ri u to'banic chwe.

Salmib 4:8

In quink'oyi' pa jamaril chanim c'ut cäc'amtaj nu waram, lal c'ut Ajawaxel, caban la chwe chi quinjeki' pa cu'bisan c'uxaj.

Salmib 60:5

¡Choc la il chke, chujcolo' la ruc' ri chuk'ab la! ¡Ri e lok' chwäch la chebesaj la pa ri c'ax!

E C'ambal tak Tzij 10:22

Ri u tewichibal ri Ajawaxel k'inomal wa' man c'o ta c'u k'oxomal quebuc'am ulok pa re wi.

Ri Tzijonel 1:14

Xincuin c'u che u ch'obic chi ronojel ri cäban cho we uwächulew ri' man c'o ta u beya'l, xak lok', cajwax u chapic ri quiakik'.

Ri Tzijonel 4:8

Jun winak ri c'o xak u tuquiel, ri man e c'o ta rachil, mawi tak ralc'ual, mawi tak rachalal, ri mawi cuxlan ta jubik, ri kas man cäcos ta che u ca'yexic ri u k'inomal, mawi c'u ne cuc'ot ta u chi' chbil rib: “¿Jachin c'u lo che cätajin quinchacun wi? ¿Jasche quink'il ri utzil chwe?” Xukuje' ba' wa' xak cawächibal, xak jun alalaj eka'n.

Ri Tzijonel 5:12

Ri ajchac we catz'akat u pam o man cätz'ak taj, amak'el cawar pa jun nimalaj utzil; ri k'inom man je ta cubano, ri e u k'inomal man caquiya' ta che chi cawaric.

Ri Tzijonel 6:7

Ri winak cächacunic cächacun c'ut rech cawa'ic, mawi c'u ne jubik' cänojic.

Ri Jeremiy 31:26

Je cätajin quinwichic'aj wa' aretak xinc'astajic xebenjak c'ut ri nu bak'wäch. Ri nu wichic' sibalaj xkaj chnuwäch.

Ri Ezequiel 34:25

Quenbana' jun c'ulwächinic cuc', quinjiquiba' ri roc'owisaxic jun c'aslemal cumal pa utzil. Quinban na chi casach qui wäch ri juyubal tak awaj pa ri ulew rech quejeki' ri nu chij pa utzil pa apachique juyub xukuje' quewar pa tak ri c'ache'laj.