Salmib 123:2 - Quiché Bible

² Ruc' bochi'nic cujkeb chuwäch ri Ajawaxel, ri ka Dios, jacha' ri cuban ri ala ri pataninel cäca'y che ri u k'ab ri rajaw achi, jacha' ri cuban ri ali pataninel cäca'y che ri u k'ab ri rajaw ixok, keye'm chi quel na u c'u'x chke.

Salmib 123:2 ပူးပေါင်းရင်းမြစ်များ

Chapletajic 32:26

Xubij ri achi che: “Chinatzokopij petinak chi c'u ri u sakaric. We man quintewichi'j la, man quintzokopin ta che la,” xutzelej u bixic ri Jacob.

Chapletajic 49:18

¡Oh, Ajawaxel, quinweyej chi quincol la!

Nabe Ajawinelab 1:20

Ajawaxel, ronojel ri Israel xak reyem chi ri lal cabij la jachin ri cajawin na che q'uexwäch la.

Ucab Tzijobelil 20:12

Ka Dios ¿La ma ta cäc'äjisaj la qui wäch? Ri uj man cubana' ta ri ka chuk'ab che u k'atixic qui wäch we q'uialaj ajch'ojab ri' ri cacaj quech'ojin kuc'. ¡Man cakach'ob taj jas cakabano; rumal c'u ri' ka yo'm ka wäch chi'j la!”

Salmib 119:82

Quetzaj ri nu bak'wäch, weye'm ri chi'nic la; quinbij c'ut: “¿Jampa' ri cäpe la che u cu'bisaxic nu c'u'x?”

Salmib 25:15

Amak'el quinalwächin che ri Ajawaxel, rumal rech chi quinresaj pa ronojel c'ax.

Ri Lucax 18:1

Ri Jesus xubij jun c'ambal no'j chque, chi rajawaxic amak'el cäquiban ch'awem ruc' Dios, mäq'uistaj c'uxaj.

Ri Josue 10:6

Are' c'u ri e jekel pa Gabaon, xquitak u bixic we takquil ri' che ri Josue, ri c'o pa ri kajebal pa Jilgal: “Mak'il ib la che qui to'ic ri pataninel tak ech la. Pet la chanim che ka to'ic, conojel c'ut ri cajawinelab ri aj amoreyib ri e c'o pa tak ri juyub quirikom quib che u banic ch'o'j kuc'.”

Ri Josue 9:23

Rumal rech wa' quixcanaj canok chuxe' c'okonic, man c'o ta iwelic amak'el quixux pataninelab. Quiban na ri si' quiwesaj na ri ja' ri cajwataj che ri rachoch ri nu Dios.”

Ri Josue 9:27

xebucoj c'u che banal tak si' xukuje' che e erel tak ja' che ri tinimit, xukuje' che ri porobal ri rech ri Ajawaxel, pa ri c'olbal ri cucha' na ri Ajawaxel. C'ä je c'ut caquiban ri aj gabaonib camic.