Salmib 12:3 - Quiché Bible

³ Ajawaxel, cheboko la ri quesubunic xukuje' ri cäquinimarisaj quib,

Salmib 12:3 ပူးပေါင်းရင်းမြစ်များ

Ri Job 32:22

Kastzij, man in ta nak'atalic quinpuquej u wi' jachin jun; ¡ri winakirisanel cuc'äjisaj nu wäch ri' we ta je quinbano!”

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

Salmib 140:12

In weta'm chi ri Ajawaxel cuban suq'uil che ri meba', cuto' c'u u wi' ri ch'ibatajinak.

Salmib 17:10

E nojinak che etzelal, cäquibij tzij che u nimarisaxic quib;

Salmib 55:22

Chaya' can ronojel ri a bis pa u k'ab ri Ajawaxel, catutok'ej c'u na; mawi c'u jumul cuya' be chi cätzak ri winak ri cäniman che.

Elem 15:9

Ri c'ulel xubij: ‘Quebenwokataj c'ä quebenrika' na, quinjach ri quintokij chque c'ä quinquicot na. Quinjusij ri ch'ich' re ch'o'j, are c'u ri nu k'ab cäsachow qui wäch.’

E C'ambal tak Tzij 18:21

Ri c'aslemal xukuje' ri cämical quewet'et'ic jas ri cubij ri ak'aj; ri sibalaj quewet'et'ic cäquicoch' na ri cuc'am ulok ri quiwet'et'em.

E C'ambal tak Tzij 26:24

Ri caq'uiäkwächinic man cuc'ut taj aretak cätzijonic, cätajin c'u quebuchomaj itzel tak chomanic pa ri ranima'.

Ri Isaiy 10:10

E nu rikom nimak tak tinimit ri e c'o q'ui qui diosib, e q'ui na ri e qui banom diosib e c'olic chuwäch ri Jerusalen xukuje' ri Samar.

Ri Isaiy 59:4

Man c'o ta jun cubij ta ri kastzij, mawi cäbe chuwäch ri k'atal tzij ruc' ch'ajch'ojil. Are kas qui cuban qui c'u'x chrij ri banoj tzij xukuje' chquij tak tzij re subunic e yawab tak winak che etzelal quecalaj c'u tak il patan.

Ri Jeremiy 12:6

Xukuje' c'u ne tak ri e awachalal, ri kas e awachalal, man kas e jic taj chawij, caquirak qui chi' chrij a wi'. Majiquiba' a c'u'x chquij, pune' ta ne catquitzijobej cuc' utzalaj tak tzij.”

Ri Jeremiy 9:8

Ri e cak' e ch'ab ri cäminsanelab; quequibila' tak subunic. Utz qui ya'ic rutzil tak qui wäch ri cachil caquibano, kas c'u ne tzij cätajin quequicoj c'amibal chque.

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Ezequiel 28:9

¿La catakej ta c'u na u chomaxic chi at jun dios aretak at c'o chquiwäch ri a c'ulel? ¡Pa qui k'ab ri catcämisanic man c'o ta c'u jas a banic xak at jun apachique winak!

Ri Ezequiel 29:3

Chabij che: ‘Are wa' cubij ri Ajawaxel: In quink'alajisaj wib chi in c'ulel chawe paraon, ajawinel pa Ejipt, jilijicalaj juyubal awaj ri a k'oyobam awib chupam ri a nima' cabij c'ut: Ri Nil wech in, in xinbanowic.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 7:8

Aretak c'u cätajin quebenca'yej tak ri uc'a', xinwilo chi cätajin quel chi ulok jun alaj uc'a' chquixo'l, xebok c'u oxib ruc'a' rech cäya' can c'olbal che ri q'uisbal ri c'äte xel ulok, ri e c'o u bak'wäch jas ri e c'o che jun winak xukuje' jun u chi' ri cäch'aw ruc' banoj nimal.”

Ri Malaquiy 3:13

Ri Ajawaxel je cubij wa': “Ri ix e i bim jastak chwe ri sibalaj c'ax quinna'. C'ä quiban c'ut c'otoj chi'aj: ‘¿Jas ri ka bim che c'ulelaxic la?’

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

Ri Juds 1:16

E are tak wa' ri xak quech'ach'atic, queyok'onic, xuwi cäquilij u banic ri itzel tak qui rayinic, cäquitzijoj nimak tak tzij, xukuje' cäquibij utzalaj tak tzij chque ri winak xa rumal rech chi c'o cäcaj chque.

Apocalipsis 13:5

Xya' che ri xibibal awaj jun u chi' ri quebubij c'axalaj tak tzij nimak tak jastak ri cayok'on che ri Dios. Xya' c'u che chi catakan cawinak quieb (42) ic'.

Nabe Samuel 2:3

Mach'aw jachin jun ruc' nimarisan ib, sibalaj muban nimal jachin jun, rumal rech chi ri Ajawaxel are ri Dios ri reta'm ronojel, ri are' cupajo xukuje' cuk'at tzij puwi' ri cuban ri winak.