Salmib 12:2 - Quiché Bible

² Xak banoj tzij chic cäquiban chbil tak quib; cäquitzijobela' quib ruc' subunic, xak quieb cubij ri cäquibij.

Salmib 12:2 ပူးပေါင်းရင်းမြစ်များ

Nabe Tzijobelil 12:33

Che ri ramak' ri Zabulon, cawinak lajuj mil (50,000) rajch'ojab ri e suc'umatal che u banic ch'o'j cuc'am c'u ronojel qui wäch ch'ojibal, ri kas qui yo'm qui tzij quijachom quib che u to'ic ri David.

Salmib 10:7

Nojinak ri u pa u chi' chque tak c'okonic, chque banoj tak tzij xukuje' chque tak yok'onic; ri e u tzij quequic'u' il patan xukuje' etzelal.

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

Salmib 144:8

ri quequibij banoj tak tzij cäquiyac c'ut ri qui k'ab quiquiak'ab che u bixic ri chi'nic ri kas cäban na xa c'u che subunic.

Salmib 28:3

Mincharchatej la bic junam cuc' ri e banal tak etzelal, je minc'ulmaj jas ri cäquic'ulmaj ri banal tak c'ax, ri cäquiban quib chi sibalaj e utz e nojinak c'u che ronojel u wäch etzelal.

Salmib 38:12

Ri cäquirayij nu cämisaxic, cäquicoj c'amibal chwe; ri cäquirayij u banic c'ax chwe, cäquitzijoj nu mojcolexic, conojel ri k'ij cäquichomaj jas cäquibano rech quinkaj pa qui k'ab.

Salmib 41:6

Quepe che wilic, man jic ta c'ut ri canima'; cäquic'ol ronojel ri man utz taj pa canima', aretak c'ut quebel bic pa ri be cäquichaplej u tzijoxic.

Salmib 5:9

Ri e are' mawi jumul jicom ta ri quech'awic; ¡e chuwirinak chquipam! Ri u pa qui kul junam ruc' jun mukbal ri jaktalic; ¡ri cak' banal tzij!

Salmib 55:21

C'o na ri u lebebic ri qui tzij chuwäch ri mantequiy, ch'o'j c'ut ri cacaj. Ri qui ch'uch'ujil ri qui tzij c'o na chuwäch ri aseit, man je ta c'ut xa c'u e ch'ich' re ch'o'j.

Salmib 59:12

Quemacun pa ronojel ri caquibij; ¡chekaj c'u pa u k'ab ri nimal ri quec'amowic xukuje' quequibano ri chi'nic ri kas cäban na ruc' subunic!

Salmib 62:4

Xuwi quichomaj nu t'akixic; ri i quicotemal are ri banoj tzij: ruc' ri i chi' quiya' nu k'ij quiniyok' c'u pa tak iwanima'.

E C'ambal tak Tzij 20:19

Ri ajtzijtal man reta'm ta u c'u'ic jun awatalic, majunaj ba' awib ruc' winak ri ajtzijtal.

E C'ambal tak Tzij 20:6

Sibalaj e q'ui ri caquiban quib chi sibalaj e jic pa ronojel, man cärik ta c'u jachin jun ri cäjiquibax ta c'uxaj chrij.

E C'ambal tak Tzij 29:5

Ri amak'el cuya' u k'ij ri rachil, kastzij cätajin culic' jun c'amibal chuwäch.

Ri Jeremiy 7:28

Chabij chque: ‘Are nim tinimit wa ri man caniman ta che ri u Dios mawi c'u ne caraj chic cäpixbexic. Ri kastzij mawi jumul quel chi ulok pa u chi'.’ ”

Ri Jeremiy 9:8

Ri e cak' e ch'ab ri cäminsanelab; quequibila' tak subunic. Utz qui ya'ic rutzil tak qui wäch ri cachil caquibano, kas c'u ne tzij cätajin quequicoj c'amibal chque.

Ri Ezequiel 12:24

Man quepe ta chi c'u na c'utwächinic chquixo'l ri aj israelib ri xak ta e u cawäch mawi tzij ri quek'axex ta chic ri xak ta e banoj tzij.

Ri Miquey 7:2

Man e c'o ta chic pa ri uwächulew winak ri e suc' mawi ri e jic ta che ri Dios; conojel xak queyem ri jok'otaj che u banic tokinic; quequicoj c'amibal chquibil tak quib.

Romanos 16:18

Ri e je tak wa' man cäquipatanij ta ri Crist Ajawaxel, xane' cäquibano jas ri cäcaj ri e are'. Ruc' ch'uch'ujalaj tak tzij xukuje' je'lalaj tak tzij quequisub ri winak ri man c'o ta quetamabal.

1 Tesalonicenses 2:5

Mawi jumul xkabij tzij chiwe xak rech utz quito, jas ri iweta'm. Mawi c'o jas xkabij chiwe xak rech cäkach'äc puak chiwij. Ri Dios xujrilo xukuje' reta'm.

Santiago 1:8

Ri winak ri quieb ranima' xak cäbak'otic pa conojel ri u be.