Salmib 113:9 - Quiché Bible

⁹ Cuban che ri man c'o ta ral chi cac'oji' chquixo'l alaxic, chi quicotok chi qui nan alc'ualaxelab, xukuje' chi c'o ri kas rachoch. ¡Chyo'k u k'ij ri Ajawaxel!

Salmib 113:9 ပူးပေါင်းရင်းမြစ်များ

Chapletajic 25:21

Ri Rebec man quec'oji' ta ral, rumal ri' ri Isaac xutz'onoj tok'ob che ri Ajawaxel puwi'. Ri Ajawaxel xuta' ri u ch'awem ri Isaac. Xcanaj c'u yawab winak ri Rebec.

Ucab Ajawinelab 4:17

Je c'ut jacha' ri xuya' u bixic ri Elisey che, ri ixok xcanaj yawab winak chupam c'ut ri jun junab chic xralaj jun ral ala.

Salmib 68:6

ri Dios cuya' qui c'olbal ri man c'o ta quec'oji' wi, ri e c'o pa che' quebutoro, quebuya' pa utzil; are c'u ri man queniman taj quec'oji' na pa pojpic tak ulew.

Ri Isaiy 54:1

Charaka' a chi' ruc' quicotemal, ixok ri man catalan taj, ri man e c'o ta awal; chebabixoj bix re quicotemal, at ri mawi jumul c'olinak awal, cubij c'u ri Ajawaxel: “Ri ixok ri xutum canok e q'ui ral quec'oji' na chuwäch ri ixok ri c'o rachajil.”

Ajilanic 5:28

We c'u ri ixok man c'o ta u mac man c'o ta cuc'ulmaj na, quec'oji' c'u na ral.

Gálatas 4:27

Tz'ibatal c'ut: “Chatquicotok, ri man catalan taj, ri man c'o ta awal. Charaka' a chi' ruc' quicotemal, ri man c'o ta a k'oxowem re alanic. E q'ui c'u na ri ral ri ixok ri yo'm canok, chquiwäch ri ral ri ixok ri c'o rachajil.”

Nabe Samuel 2:5

Ri sibalaj oc'owinak ulok u wi' ri cäquitijo, camic cäquiya' quib pa moquic xa rumal u rikic juba' wa; e are' c'ut ri c'o quinumic, man quenum ta chic. Ri ixok ri man cäcuin taj quec'oji' ral, wukub mul alc'ualinak chic; are c'u ri sibalaj calc'ualanic, camic xa jumul xyututiric.