Salmib 112:7 - Quiché Bible

⁷ Man cuxe'j ta rib chque ri itzel tak jastak ri quetzijoxic; co jekel ri ranima', u cuban u c'u'x chrij ri Ajawaxel.

Salmib 112:7 ပူးပေါင်းရင်းမြစ်များ

Ri Job 11:15

Jeri' catcuinic cawalijisaj ri a palaj ch'ajch'oj, catc'oji' c'u na pa jamaril man c'o ta chi c'ut xe'n ib;

Salmib 118:6

Ri Ajawaxel c'o wuc'; man quinxe'j ta wib. ¿Jas ta ri cäcuin ri winak cuban ta chwe?

Salmib 34:4

Xintz'onon che ri Ajawaxel, ri are' xutzelej u wäch ri xintz'onoj che, xinresaj c'u pa conojel ri nu xibriquil.

Salmib 49:6

We winak ri' qui cu'ban qui c'u'x chrij ri qui k'inomal, cäquiban nimal chi q'ui jastak que c'olic;

Salmib 57:7

Ri wanima' c'o u rayinic, nu Dios, ri wanima' c'o u rayinic che qui bixoxic tak bix che la.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 64:10

Ri utzalaj winak cäquicot na pa ri Ajawaxel cutzucuj c'u na u ch'ukic rib ruc' are', conojel c'u ri winak ri e tz'akat pa ronojel caquina' na quib chi e nojinak.

E C'ambal tak Tzij 1:33

are' c'ut ri cutatabej ri quinbij che, cäjeki' na pa jamaril, man cuxe'j ta rib chi c'o ta jun u q'ueyowal cutaklebej.”

Ri Daniel 3:16

“Man c'o ta jasche cujchoman chrij we jasach ri',” xecha' ri oxib alabom.

Ri Lucax 21:19

We co quixtaq'ui'c, quixcolotaj na.

Ri Lucax 21:9

Aretak c'u quita' na chi c'o ch'o'j, chi ri winak cäquituquij quib, mixe'j iwib. Rajawaxic chi quebantaj na we jastak ri' nabe. Man chanim ta c'ut ri q'uistajic.”

Ri Xuan 14:1

“Masach ri i c'u'x. Chixcojon che ri Dios, xukuje' chixcojon chwe in.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Hechos 21:13

Ri Pawl xutzelej u bixic: “¿Jasche quixok'ic quiya' bis che ri wanima'? Utz chwe in man xuwi ta quinyutic, xane' xukuje' chi quincämisax pa Jerusalen, rumal rech ri u bi' ri Ajawaxel Jesus.”

Hechos 27:25

Rumal c'u ri', tatayib, cu'ba' c'u'x alak. Quincoj c'u ri u tzij ri Dios chi je cäban na jas ri xbix chwe rumal ri tako'n aj caj.