Salmib 112:4 - Quiché Bible

⁴ Junam ruc' jun chäj pa ri k'ekumalil, ri cäjuluw chque ri winak ri e tz'akatisanelab pa ronojel. Tok'obisal wächaj ch'uch'uj, xukuje' suc';

Salmib 112:4 ပူးပေါင်းရင်းမြစ်များ

Ri Job 11:17

Ri a c'aslemal cajuluw na chuwäch ri k'ij pa tiq'uil k'ij; ri k'ekalaj tak jok'otaj ri xebawoc'owisaj quebux na jacha' ri u sakaric.

Ri Job 22:28

Utz c'u catel na pa ronojel ri cachaplej u banic; ri chäj catunun na pa ri a be.

Ri Job 29:3

Aretak ri are' xinutunuj ruc' ri u chäj ri in man xinbin taj pa ri k'ekumalil;

Salmib 106:1

¡Chyo'k u k'ij ri Ajawaxel! Chiya' maltioxinic che ri Ajawaxel utz c'ut ri are', rumal rech chi ri lok'ok'ebal u c'u'x junalic.

Salmib 116:5

Ri Ajawaxel suc' xukuje' quel u c'u'x; ri ka Dios ch'uch'uj pa ronojel.

Salmib 145:17

Ri Ajawaxel suc' pa tak ri e u be, banal utzil pa tak ri cubano.

Salmib 37:6

Cuban na chi cäjuluw ri a colomal xukuje' ri a suq'uilal jacha' ri u juluwem ri k'ij pa ri niq'uiaj k'ij.

Salmib 97:11

Ri chäj cäjuluw che ri utzalaj winak; ri quicotemal are cätaki' che ri tz'akatisanel pa ronojel.

E C'ambal tak Tzij 21:21

Ri cutzucuj chi cux colom, xukuje' aj lok'ok'ebal c'u'x, curik c'aslemal xukuje' nimarisabal k'ij.

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Ri Isaiy 58:10

we caya' awib che u tzukic ri cänumic, we cato' ri u rikom c'ax pa ri u rajawaxic, ri a chaj cäjuluw na pa ri k'eku'm, ri e a mujal cux na chäj jacha' ri tiq'uil k'ij.

Ri Isaiy 58:8

We je caban wa', cäjuluw na ri a chaj, jacha' aretak cäpe u sakaric, man cäbeytaj ta c'u qui cunatajic tak ri e a socotajic. Ri a suq'uil cänabej na chawäch cäteri c'u ri nu juluwem chawij.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Lucax 6:36

Chixtok'obisan ba' wächaj, je jas ri i Tat tok'obisal wächaj.”

Ri Xuan 12:46

In chäj, in ulinak cho ri uwächulew, rech conojel ri quecojon chwe, man quec'oji' ta pa ri k'eku'm.

Efesios 4:32

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Efesios 5:15

Kas chiwila' na jas ri quibano. Miban iwe jas ri man c'o ta qui no'j, xane' chibana' iwe jas ri c'o qui no'j.

Efesios 5:9

Ri u wächinic c'u ri sakilal are ronojel utzil, suq'uil xukuje' kastzij.

1 Juan 2:29

We quich'obo chi suc' ri are', chiwetamaj ba' xukuje' chi conojel ri cäquiban suq'uil, e are ri' e ralc'ual ri Dios.

1 Juan 3:10

Cuya' quetamatajic e jachin tak ri e ralc'ual ri Dios xukuje' e jachin tak ri e ralc'ual ri itzel: apachin ta c'u ne ri man cuban ta ri utzil, o man culok'ok'ej ta ri rachalal, man ralc'ual ta ri Dios.

1 Juan 3:7

Lok'alaj tak walc'ual, c'o mixsubuwic. Apachin ri cuban ri suq'uil, suc' ri', je jas ri are' suc'.