Salmib 112:3 - Quiché Bible

³ Chupam ri rachoch c'o telechi'm k'inomal, amak'el c'ut cäyanic.

Salmib 112:3 ပူးပေါင်းရင်းမြစ်များ

Ri Job 5:24

Chupam ri awachoch cariktaj na ronojel ri cajwatajic, aretak quebasolij ri awawaj quebarik na chi e tz'akat.

Salmib 111:10

Ri no'j ri nim na are ri nim rilic ri Ajawaxel; jachin tak ri nim caquil wi c'o utzalaj qui chomanic. Amak'el cäya' na u k'ij ri Dios.

Salmib 111:3

Ri u chac sibalaj je'lic xukuje' cajuluwic, are c'u ri u suq'uil jekel chbe k'ij sak.

Salmib 112:9

Cujach cochij chque ri mebayib, amak'el cayanic, cuwalijisaj ri u palaj ruc' nim ilic.

Salmib 34:10

Ri k'inomab quebux mebayib, caquicoch' c'u na wi'jal, e are tak c'ut ri quitzucum ri Ajawaxel mawi jubik' queq'uetet ta che jun utzil.

Salmib 34:11

Chixpetok, nu c'ojol, chinitatabej: quenc'utu' c'ut chiwäch ri u ya'ic u k'ij ri Ajawaxel.

E C'ambal tak Tzij 15:6

Nim c'o pa ri rachoch ri achi ri tz'akat pa ronojel, are' c'u ri banal etzelal man c'o ta cärechbej che ri cuch'äco.

E C'ambal tak Tzij 21:20

Pa ri rachoch ri ajno'j e c'o k'inomal xukuje' tak c'oc'al, are' c'u ri man c'o ta u no'j cusach ronojel ri c'o ruc'.

E C'ambal tak Tzij 3:16

Ruc' ri iquiak'ab cuchi'j ri nimalaj c'aslemal ri cäbeytajic, ruc' c'u ri mox k'ab cuchi'j k'inomal xukuje' yabal k'ij.

Ri Isaiy 32:17

Ri suq'uil cuya' na jamaril, jororemal xukuje' cu'lbal c'uxaj chbe k'ij sak.

Ri Isaiy 33:6

amak'el c'ut cubij che chi man c'o ta cäslabisanic. Ri no'j xukuje' ri etamanic e jun k'inomal wa' ri queto'tajisanic ri u na'ic ib chuwäch ri Ajawaxel are jun k'inomal.

Ri Isaiy 51:8

cäsach c'u na qui wäch jacha' jun atz'iak ri chicopirinak, jacha' ri rismal chij ri kuchum cumal xjut. Are c'u ri nu colomal re chbe k'ij sak, ri colobenic ri quinya'o quech k'ij junab.”

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.