Salmib 11:5 - Quiché Bible

⁵ Ri Ajawaxel queralwächij ri e suc' xukuje' ri e banal tak etzelal, ruc' ronojel u c'aslibal cäretzelaj qui wäch ri cäkaj chquiwäch ri u banic ri tokinic.

Salmib 11:5 ပူးပေါင်းရင်းမြစ်များ

Chapletajic 22:1

Oc'owinak chi jun k'ijol, ri Dios xuc'ambejej ri u cojonic ri Abraham. Xucoj ri u bi' che u siq'uixic, ri are' xutzelej u bixic, “In c'o waral.”

Salmib 10:3

Ri banal etzelal cunimarisaj u k'ij pa tak ri kas u rayinic; ri quiäk rayinel cac'okonic cäretzelaj u wäch ri Ajawaxel.

Salmib 139:1

Ajawaxel, lal in nic'om la xukuje' eta'm la nu wäch;

Salmib 17:3

Oquinak la chupam ri nu chomanic; chak'ab lal petinak che nu c'ac'alexic; in c'ambejem la ruc' k'ak', man c'o ta c'u etzelal rikom ta la pa nu c'aslemal. Man e nu bim ta jastak ri man ya'tal ta qui bixic,

Salmib 21:8

Ri chuk'ab la quebuch'äc conojel ri qui banom qui c'ulel che la; ri wiquiak'ab la quebuch'äc na conojel ri cäquetzelaj wäch la;

Salmib 26:2

nic'oj la ri nu c'aslemal, tijtijobej la wij, ¡tijtijobej la rij ri nu chomanic, xukuje' ri e muktal pa ri wanima'!

Salmib 5:6

cäsachisaj la qui wäch ri banal tak tzij, man quec'ulaj ta la ri subunelab ta winak xukuje' ri cämisanelab.

Salmib 7:9

Suc'alaj Dios, ri quebe nic'oj la tak ri chomanic xukuje' ri c'o pa ri animaaj ri e c'u'talic, ¡sacha' la u wäch ri quetzelal ri e banal tak etzelal, co c'u tac'aba' la ri winak ri tz'akat pa ronojel!

Ri Jeremiy 12:8

We tinimit ri', ri wech canok nabe, uxinak c'u chwe camic jacha' jun coj aj c'ache'laj; cawun chwe, rumal ri' quinwetzelaj u wäch.

Ri Jeremiy 20:12

Ajawaxel ri c'o ronojel u cuinem, lal cänic'on la ruc' suq'uilal, lal ri quil la ri c'o c'ä chupam ri ranima' ri winak, chya' la chwe chi quinwil ri u c'äjisaxic qui wäch we winak ri', nu yo'm c'u pa k'ab la ri c'ax ri caquiban ri winak chwe.

Ri Zacariy 11:8

Xa' pa jun ic' xebenwesaj bic oxib ajyuk'ab ri xq'uistaj nu c'u'x cuc' caquetzelaj c'u nu wäch xukuje'.

Ri Malaquiy 3:3

Ri Ajawaxel cut'uyuba' na rib che qui josk'ixic tak ri e cojol tabal tak tok'ob, ri e rija'lil ri Levi, jacha' ta ne ri cuban ri ch'ajal sak puak xukuje' k'an puak chupam ri k'ak'. Aretak c'u cabantaj wa' ri e are cuya' caquicoj ri qui sipanic chuwäch ri Ajawaxel, jacha' ri takal u banic cumal.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

1 Pedro 4:12

Lok'alaj tak wachalal, mixmayin che ri c'ax ri quiriko, je ta ne jun k'ak' ri cänicow chixo'l. Are cäpe piwi' che u k'alajisaxic we utz quibano o man utz taj. Miwilo je ta ne ri quic'ulmaj jun jasach ri man iweta'm taj.