Salmib 11:1 - Quiché Bible

¹ In quintzucuj u to'ic wib ruc' ri Ajawaxel. Xak lok' ri' we cäbix chwe: “Jät ja c'u' awib pa tak ri juyub jacha' ri chicop ri e c'o qui xic';

Salmib 11:1 ပူးပေါင်းရင်းမြစ်များ

Ucab Tzijobelil 14:11

Ri As xutz'onoj ri u to'banic ri Ajawaxel ri u Dios, je xubij wa': “Ajawaxel, che la man c'o ta u jalbem rib ri u to'ic ri c'o u chuk'ab xukuje' ri tukar. Rumal ri', ¡Chujto' la, Ajawaxel xukuje' ka Dios, ka cuban ya' ka c'u'x chi'j la, pa ri bi' c'u la uj petinak chquij we ajch'ojab ri'! Lal, Ajawaxel, lal ka Dios. ¡C'utu' la chi man c'o ta jachin jun cäcuinic cuk'atij ta wäch la!”

Ucab Tzijobelil 16:8

Ri aj etiopiyib cachil tak ri aj libiyib, ¿La ma ta e jumulaj ajch'ojab ri sibalaj c'o qui cuinem, e cachil c'u q'uialaj ajquiejab xukuje' tak carwaj que ch'o'j? Xebujach c'ut ri Ajawaxel pa k'ab la rumal rech chi xcu'ba' c'u'x la chrij.

Ri Nehemiy 6:11

Ri in c'ut xintzelej u bixic che: “Ri achijab e jacha' ri in, man quebanimaj taj, mawi queboc ta quib chupam ri rachoch Dios che u to'tajisaxic ri qui tz'umal. Are c'u ri in man quinoc ta na wib.”

Salmib 16:1

¡Chinchajij la, oh Dios, uc' la quintzucuj wi u ch'ukic wib!

Salmib 25:2

nu Dios, chij la cu'l wi nu c'u'x: mintzokopij la rech minkaj pa ri q'uixbal. ¡Maquitze'j nu wäch ri e nu c'ulel!

Salmib 31:14

Ri in c'ut, Ajawaxel, nu cuban nu c'u'x chij la; ri in nu bim: “Lal ri nu Dios.”

Salmib 56:11

quincu'ba' nu c'u'x chrij ri Dios, man quinxe'j ta c'u wib. ¿Jas ta ri cäcuin ri winak cuban ta chwe?

Salmib 7:1

Ajawaxel, nu Dios, uc' la quintzucuj wi u ch'ukic wib; ¡Chinto'tajisaj la chinesaj la pa qui k'ab ri cäcaj caquiban c'ax chwe!

Salmib 7:2

¡Chinesaj la chquiwäch, e jacha' c'u ne' coj; minquit'ubij c'u ne' ma ta c'u ne' c'o jachin quinto'tajisanic!

Salmib 9:10

Ajawaxel, ri queta'm wäch la cäquicu'ba' qui c'u'x chij la, mawi jumul quebexutuj la canok ri que tzucum che la.

E C'ambal tak Tzij 6:5

chatanimajok, jacha' jun masat ri canimaj chuwäch ri q'uiakanel; chatanimajok, jacha' jun chicop ri c'o u xic' ri canimaj chuwäch ri c'amibal.

Ri Jeremiy 48:14

Mubij ri Moab: ‘sibalaj uj cowilaj tak winak, ajch'ojab ri sibalaj c'o qui chuk'ab.’

Ri Lucax 13:31

Pa ri k'ij ri' xebopan jujun chque ri pariseyib, xquibij che ri Jesus: “Chatel waral, jät. Are c'u ri Herod cäraj catucämisaj.”

Nabe Samuel 19:11

Ri Saul xuya' takanic chque ri rachijab ri e c'o ruc' chi quebe cho rachoch ri David, che ralawächixic rech caquicämisaj chucab k'ij c'ut. Are' c'u ri Mical, ri rixokil ri David xuya' u bixic wa' che, je xubij wa' che: “We man chanim cato' awib chak'ab camic, chwek at jun cäminak achi chic.”

Nabe Samuel 20:38

Xurak chi u chi' ri Jonatan che ri pataninel, xubij che: “¡Aninak jät, chatxic'anok mabey awib!” Ri u pataninel ri Jonatan xusic' ri ch'ab xuc'am ulok che ri rajaw,

Nabe Samuel 22:3

Xel c'u bic ri David chila' xbe pa Mizpa, ri c'o pa Moab xubij che ri ajawinel pa Moab: “Quintz'onoj jun tok'ob che la chi ri nu tat xukuje' ri nu nan quecanaj can uc' alak c'ä quinwetamaj na ri cuban ri Dios chwe.”

Nabe Samuel 23:14

Xjeki' c'u can ri David pa jujun tak to'bal ib ri c'o pa ri chaki'j uwo sak pa Zip, pune' c'u xtzucux ronojel k'ij rumal ri Saul, ri Dios man xujach ta pu k'ab.

Nabe Samuel 27:1

Cuchomaj ri David: “We mata'm o chanim ri Saul quinucämisaj na. Rumal ri' ri utz na ri quinbano are ri wanimajic quinbe pa ri culew ri pilisteyib, rech man cuya' ta chi latz' ri Saul chwe, man quinutzucuj ta chi c'ut pa ronojel ri ulew re Israel. We je quinban wa' quinto'taj na man quinkaj ta na pu k'ab.”