Salmib 103:2 - Quiché Bible

² Quintewichi'j ri Ajawaxel ruc' ronojel ri nu c'aslibal; mawi jun chque ri utzil ri e u banom chwe quesach ta pa nu jolom.

Salmib 103:2 ပူးပေါင်းရင်းမြစ်များ

Ucab Tzijobelil 32:25

Pune' c'u xban utzil che, ri Ezequiy man nim ta xril wi, xane' xuban nimal, rumal c'u rech wa' ri Ajawaxel xoyowar ruc' xukuje' ruc' ri Juda xukuje' ri Jerusalen.

Salmib 105:5

Chenataj chiwe ri e nimak tak u chac xukuje' e mayibal, xukuje' ri pixab ri e tz'ibam ri e u yo'm qui bixic;

Salmib 106:21

Xsach ri Dios pa qui jolom, ri qui colonel, ri xebuban nimak tak mayibal pa Ejipt;

Salmib 106:7

Ri e ka mam chila' pa Ejipt, man nim ta xquil wi ri nimak tak mayibal ri xban la; xsach ri nimalaj lok'ok'ebal c'u'x la pa qui jolom, xquiyac quib che c'ulelaxic la, chu chi' ri Quiäk Plo.

Salmib 116:12

¿Jas quinban che u tojic che ri Ajawaxel ronojel ri utzil ri u banom wuc'?

Ri Isaiy 63:1

“¿Jachin wa' ri elinak ulok pa Bosra, u chuch ri Edom, ri tz'ajom ri ratz'iak ruc' quiäk, ri e u cojom je'lalaj tak ratz'iak petinak, ri cäbin ruc' xibibalalaj chuk'ab? In ri', ri quinya u bixic ri colomal, c'o c'u nimalaj nu cuinem che qui colic ri winak.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

U Camulixic ri Pixab 32:18

Israel, a xsach ri a tat pa a jolom, ri xukuje' to'l awech; xsach ri Dios pa a jolom ri xyo'w a c'aslemal.

U Camulixic ri Pixab 32:6

¿La jewa' ri rajil q'uexel ri quiya' che ri Ajawaxel? Tinimit con, ri man c'o ta u no'j, ¿la ma ta are' a tat ri q'uiyisal awech? Are' xatq'uiyisanic xukuje' are' xattac'abanic.

U Camulixic ri Pixab 6:12

Aretak cäc'ulmataj wa', chixoc il, mäsach ri Ajawaxel ri Dios pa i jolom ri xixelesan ulok pa Ejipt jawije' ri xixpatanin wi jacha' ri cäban chque ri lok'om tak pataninelab.

K'atal tak Tzij 5:2

“Iwonojel chiya' u k'ij ri Ajawaxel, c'ä e c'o c'u achijab pa Israel ri cäcaj cäquiban ch'o'j; c'ä e c'o na achijab pa ri tinimit ri quenimanic aretak quesiq'uix che u banic ri ch'o'j.

K'atal tak Tzij 5:9

¡Ri in quinya' ri wanima' che qui q'uexwäch ri c'amal tak qui be ri aj israelib ri e nimak qui k'ij, che qui q'uexwäch ri winak aj nu tinimit ri xenimanic aretak xesiq'uix che ri ch'o'j! ¡Iwonojel chiya' u k'ij ri Ajawaxel!