Salmib 10:16 - Quiché Bible

¹⁶ Ri Ajawaxel are Ajawinel chbe k'ij sak; ri e k'ijilal tak diosib quebesax na bic chupam ri rulew.

Salmib 10:16 ပူးပေါင်းရင်းမြစ်များ

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Salmib 145:13

Ri ajawibal la are jun ajawibal re chbe k'ij sak, ri k'ijinic la re k'ij junab.

Salmib 146:10

At Sion, ri Ajawaxel cajawin na chbe k'ij sak; ri a Dios cajawin na conojel tak ri k'ij junab. ¡Chyo'k u k'ij ri Ajawaxel!

Salmib 29:10

Ri Ajawaxel cätakan puwi' ri jäb; ¡ri Ajawaxel are' ajawinel ri c'o u takanic chbe k'ij sak!

Salmib 78:55

Xeresaj bic ri winak ri e k'ijilal tak diosib ri man queta'm ta u wäch Dios chquiwäch ri aj israelib; xujach ri ulew pa ch'akatak chque tak ri ramak'. Xebujekeba' pa ri ulew ri xujach chque.

Salmib 9:15

Ri e k'ijilal tak diosib quekaj na chupam ri qui c'amibal; ri cakan queralitaj can chupam ri putzcuyibal ri e are' xec'u'wic.

Salmib 9:5

E c'ulelam la ri e k'ijilal tak diosib, sachisam la qui wäch ri e banal tak etzelal, ¡xa' jumul chupisam la ri natabal quech!

Salmib 9:8

Cuk'at na tzij puwi' ri uwächulew ruc' suq'uilal, cuban na suc'alaj k'atan tzij chque tak ri tinimit.

Salmib 93:1

¡Ri Ajawaxel ajawinel! ¡Ri Ajawaxel xratz'iakij rib ruc' juluwem, xukuje' u sutim rij ruc' cuinem! Are' xjekeban ri uwächulew rech man cäslab taj.

Elem 15:18

¡Ri Ajawaxel are' cätakan chbe k'ij sak!”

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Juyuwem 5:19

Are c'u ri lal, Ajawaxel, amak'el cajawin na la; ¡kas amak'el xak lal c'o wi chupam ri tem re ajawibal la!

Ri Daniel 4:34

“Aretak xtz'akat ri k'ijol rech ri c'äjisabal wächaj, in, Nabucodonosor, xinca'y chicaj xinna' c'u wib chi in cunatajinak chic che ri nu ch'ujilal; xintewichi'n c'u che ri Dios ri sibalaj aj chicaj, xink'ijilaj c'ut ri c'asal chbe k'ij sak cuc' tak we tzij ri': ‘Ri u cuinem cäbeytaj na amak'el; ri rajawinic cäjeki' na ija'lil chi ija'lil.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

U Camulixic ri Pixab 8:20

Je, jacha' ri cubana' na ri Ajawaxel che u sachic qui wäch ri nimak tak tinimit ri e c'o pa ri ulew ri quixopan wi, jewa' xukuje' ri u sachisaxic i wäch ix, rech chi man ix nimaninak ta che ri Ajawaxel ri i Dios.”

1 Timoteo 1:17

Ri Dios are ri Ajawinel chbe k'ij sak, man cäsach ta u wäch, man quilitaj ta u wäch. Ri are xa' jun Dios, man c'o ta chi jun. Chnimarisax u k'ij, chyok juluwem che amak'el chbe k'ij sak. Je chbanok.