Salmib 10:12 - Quiché Bible

¹² ¡Walij la Ajawaxel, walijisaj ri k'ab la! Ri quebisonic mesach pa jolom la.

Salmib 10:12 ပူးပေါင်းရင်းမြစ်များ

Salmib 13:1

Ajawaxel, ¿C'ä jampa' lo quinsach pa jolom la? ¿La kas xa c'u jumul quinsach pa jolom la? ¿C'ä jampa' lo cätakej na la u c'u'ic ib la chnuwäch?

Salmib 17:13

Walija la, Ajawaxel, ¡chk'atij la qui wäch!, ¡chemejmobisaj la ri qui ch'ec! Ruc' ri ch'ich' re ch'o'j la chinto'tajisaj la rech man quinkaj ta pa u k'ab ri banal etzelal;

Salmib 17:7

Ya' la jun k'alajalaj c'utbal re ri lok'ok'ebal c'u'x la chwe, lal, ri queto'tajisaj la pa qui k'ab ri qui c'ulel chque ri caquitzucuj ri ch'ukubal quib pa ri cuinem la.

Salmib 3:7

Walij la, Ajawaxel. ¡Chincolo' la nu Dios! Lal quech'ayow la chiquipalaj ri qui banom qui c'ulel chwe; ¡Cäc'äjij na la ri qui ware ri e banal tak etzelal!

Salmib 7:6

Ajawaxel, ¡walij la ruc' c'anal! ¡K'atij la u wäch ri coyowal ri qui banom qui c'ulel chwe! Lal yo'm la u bixic chi cäban la suc'alaj k'atoj tzij, ¡to' ba la nu wi'!

Salmib 74:19

¡Sibalaj mujsach pa jolom la! Uj tuka'r uj jacha' ri palomax; ¡mujjach la pa qui chi' ri juyubal tak awaj!

Salmib 77:9

¿La xa lo xsach ri rutzil ri Dios pa u jolom? ¿La xa lo sibalaj oyowarinak, chi man quel ta chi u c'u'x chke?

Salmib 9:12

Ri qui rikom c'ax quenataj che ri Dios man quesach ta ri cok'ej pa u jolom; man cuya' ta can ri cämisanel chi ma ta cuc'äjisaj u wäch.

Salmib 9:13

Ajawaxel, chel c'u'x la chwe, chilampe la ri c'ax ri quinrik cumal ri cäquetzelaj nu wäch, ¡chinesaj la chquichi' ri oquibal chupam ri cämical!

Salmib 9:19

Walij la, Ajawaxel; maya' la c'olbal che ri banoj nimal ri cac'amow ri winak; k'ata' la tzij paquiwi' ri quequik'ijilaj diosib chwäch la.

Salmib 94:2

Lal ri lal u k'atal tzij ri niq'uiajsak; ¡walij la chquij ri caquinimarisaj quib ya' c'u la ri takal chque!

Ri Isaiy 26:11

Ajawaxel, suc'umam chi la ri c'äjisabal wächaj, ri e are' c'ut man cäcaj ta cäquetamaj aretak c'ut cäquil ri lok'ok'ebal c'u'x la che ri tinimit la, man cäquirik ta chi na jas cäquibano. ¡C'o ta banom wi chi are' ta ri u k'ak'al ri oyowal la quebik'owic!

Ri Isaiy 33:10

Ri Ajawaxel cubij: “Camic quinyac wib; camic quinc'ut wib chi nim nu banic chi nim nu k'ij.

Ri Miquey 5:9

Je ch'äcanic wa' cäban na la, Ajawaxel, cäsachisaj c'u na la qui wäch conojel tak ri caquiban qui c'ulel che la.

K'atal tak Tzij 16:28

Ri Sanson xutz'onoj tok'ob che ri Ajawaxel, xubij che: “Quintz'onoj tok'ob che la Ajawaxel, chi chinnataj che la xuwi ta chi ne jumul, chya' c'u la nu chuk'ab rech cäquitoj ri aj pilisteyib ri quieb nu bak'wäch.”