Salmib 1:1 - Quiché Bible

¹ Utz rech ri winak ri man cutakej ta ri qui no'jibal ri banal tak etzelal, mawi cäbe pa ri qui be ri ajmaquib, mawi caruc'aj rib cuc' ri xak cäquetz'bej u wäch ri Dios,

Salmib 1:1 ပူးပေါင်းရင်းမြစ်များ

Chapletajic 49:6

¡Mawi jubik' quinwaj quinc'oji' ta pa ri c'olbal ri caquimulij wi tak quib! aretak c'u e oyowarinak xequicämisaj winak, xak che u banic ri cäcaj xequik'ajisaj ri cakan ri ama'ib tak wacax.

Chapletajic 5:24

Ri Enoc xak xsachic, xc'am bic rumal ri Dios rumal rech chi xniman che ri Dios pa ronojel ri u c'aslemal.

Nabe Ajawinelab 16:31

man xuk'il ta rib che qui banic ri junam tak macaj ri xebuban ri Jeroboam, u c'ojol ri Nabat. Xak c'u xutz'akatisabej chic, xc'uli' ruc' ri Jezabel, u mia'l ri Et-baal, ajawinel pa Sidon, xuya' chi c'u jubik' u wi' rumal ri u k'ijilaxic ri Baal,

Ucab Tzijobelil 22:3

Ri Ocoziy xukuje' xutakej u banic rech jas ri xuban ri Acab xukuje' ri e rija'lil, are c'u ri u nan are' cayo'w ri itzel tak cojbal c'uxaj che, u mac c'u rech chi cäruc'aj rib cuc' ri e rija'lil ri Acab, man utz taj ri e u banoj chuwäch ri Ajawaxel. Kas c'u e are', ri xeyo'w u no'j aretak cäminak chic ri u tat, xquic'am c'u bic chupam ri sachbal wächaj.

Ri Job 10:3

Je u banic wa' chi kas lal xinwinakirisanic, ¿La takalic quil la chi quinc'axc'obisaj la quetzelaj c'u la nu wäch? Cak'alajisaj c'u ib la chi are quebeto' la ri qui chomanic ri e banal tak etzelal.

Ri Job 21:16

(E are' tak c'ut ri banal tak etzelal man quech ta ri c'olem pa utzil. ¡Naj chc'ol wi chwe chi quinchomanic e jacha' ri e are'!)

Ri Job 31:5

Quinban na ri chi'nic ri kas cäban na, quincha' chi mawi jumul nu banom ri cawachil mawi nu tijtobem u subic jachin jun.

Salmib 1:6

Ri Ajawaxel cuchajij ri qui be ri suc'ab, are c'u ri qui be ri e banal tak etzelal cäc'aman bic pa ri sachbal wächaj.

Salmib 106:3

E tewichital ri cäquiban ri suq'uilal amak'el c'ut are' cäquiban ri suq'uilal.

Salmib 112:1

¡Chyo'k u k'ij ri Ajawaxel! Utz rech ri winak ri tz'akat pa ronojel ruc' ri Ajawaxel che qui nimaxic ri e u takomal.

Salmib 119:115

¡Chinajtajisaj iwib chwe, banal tak etzelal, quinwaj c'ut quebentz'akatisaj ri e u takomal ri nu Dios!

Salmib 144:15

¡Utz rech ri tinimit ri e c'o ronojel wa' ruc'! ¡Utz rech ri tinimit ri are' u Dios ri Ajawaxel!

Salmib 146:5

Sibalaj utz rech ri cuc'am ri u to'banic ri u Dios ri Jacob, ri queyem che ri Ajawaxel ri u Dios.

Salmib 146:9

ri Ajawaxel quebuch'uku ri e re jun tinimit chic, ri minorib xukuje' ri malca'nib, cuban c'ut chi ri e banal tak etzelal caquisach ri qui be.

Salmib 26:12

In tac'al puwi' cowilaj ulew; ¡quintewichi'j ri Ajawaxel chuwäch ri u tinimit!

Salmib 34:8

Chixtijtobenok, chiwila' c'ut chi utz ri Ajawaxel. ¡Utz re ri winak ri cucu'ba' u c'u'x chrij ri are'!

Salmib 36:4

K'oyol pa ri u ch'at cuchomaj u banic ri man utz taj; sibalaj benak ranima' che u takexic ri itzelalaj u be man cäraj taj cuya' can u banic ri etzelal.

Salmib 64:2

Chinc'u' la chquiwäch ri banal tak etzelal xukuje' chuwäch ri subunic ri man e k'alaj taj; chinesaj la chuwäch ri qui chomam qui banic ri e banal tak etzelal,

Salmib 81:12

Rumal ri' xinya' be chque chi xquibano jachique kas ri xcaj xquibano are' c'u xquiban ri itzel qui rayibal.

Salmib 84:12

Ajawaxel c'o ronojel cuinem la, sibalaj e tewichital ri caquicu'ba' qui c'u'x chij la.

E C'ambal tak Tzij 1:15

¡Matbe cuc' we winak ri', nu c'ojol! Naj chaya' wi awib chque ri itzel tak qui be,

E C'ambal tak Tzij 1:22

“C'ojolab ri man c'o ta iwetamanic, ri quiwetz'bej u wäch ronojel, ri man c'o ta i no'j, ¿c'ä jampa' lo quitanaba' u lok'ok'exic ri conil ri c'o iwuc', quirik c'u na quicotemal pa ri etz'ben wächaj, quiwetzelaj c'u u wäch ri etamanic?

E C'ambal tak Tzij 13:15

Ri utzalaj no'jinic cuch'äc ri u ya'ic u k'ij, ri e jachinelab ri quieb qui wäch benam que pa ri sachbal qui wäch.

E C'ambal tak Tzij 13:20

Chawuc'aj awib cuc' ri ajno'jab cärik c'u na a no'j chawuc'aj awib cuc' ri man c'o ta qui no'j caquisachisaj c'u na a wäch.

E C'ambal tak Tzij 19:29

Xak e c'o ri xic'ay chque ri e banal tak nimal; ri utzalaj tak rapubal che ri uwo rachak ri man c'o ta u no'j.

E C'ambal tak Tzij 2:12

ri e are' catquik'ilo rech man catbe ta chquipam ri lawalolaj tak qui be ri itzel tak achijab,

E C'ambal tak Tzij 3:34

Ri Ajawaxel cutze'j qui wäch ri quetze'n wächaj cuban c'u utzil chque ri e mach'amoj.

E C'ambal tak Tzij 4:19

Are' c'u ri qui be ri banal tak etzelal xa k'ekumalil; ¡Mawi ne queta'm jas ruc' cäquipak'ij wi quib!

E C'ambal tak Tzij 9:12

We at ajno'j cawechbej na ri echbenic; we at banal nimal at catkajbenic.

Ri Jeremiy 15:17

In nu k'ilom wib che u rikic wib cuc' ri xuwi caquichomaj u quicotisaxic quib; aretak xban ech la chwe nu c'amom bic jun c'aslemal pa nu tuquiel wi, xinanojisaj c'u la ruc' ri oyowal la.

Ri Jeremiy 17:7

Utz re c'u ri winak ri cujiquiba' u c'u'x chwij, ri queyem chwe.

Ri Ezequiel 20:18

Xinbij c'u chque ri e qui c'ojol chi maquiban ri quetak che u banic cumal ri qui tat, chi mequinimaj qui banic ri takanic ri queya' chque, mequitz'iloj c'u quib cuc' tak ri e diosib.

Ri Matey 16:17

Ri Jesus xubij che: “Utz awe, Simon, u c'ojol ri Jonas. Man xc'ut ta wa' chawäch cumal ri winak, xane' xc'ut wa' chawäch rumal ri nu Tat ri c'o pa ri caj.

Ri Lucax 11:28

Ri Jesus xubij: “Are quicotemal chque ri cäquitatabej ri u tzij ri Dios, cäquinimaj c'ut.”

Ri Xuan 13:17

We iweta'm we jastak ri', ix tewichitalic we quibano.

Ri Xuan 20:29

Ri Jesus xubij che: “Max, ¿la rumal rech chi xinawilo, xatcojonic? E tewichital ri man caquil taj, quecojon c'ut.”

Romanos 5:2

Rumal are' xukuje' c'o koquibal rumal ri cojonic, pa we tok'ob ri', ri uj tac'al wi. Cujquicot rumal ri cu'lbal ka c'u'x chi quekarika na ke ri u juluwem ri Dios.

Efesios 6:13

Rumal c'u ri' chebic'ama' conojel ri chacubal re ch'o'j ri cuya' ri Dios, rech quixcuin che u to'ic iwib pa ri itzel k'ij. Aretak c'ut coc'ow ronojel, co quixtaq'ui' canok.

U Camulixic ri Pixab 14:6

Cuya' c'ut quebitij ri awaj ri quecamulinic ri cacab u banom ri quixq'uiak,

U Camulixic ri Pixab 33:29

Utz awech at Israel, ¿Jachin ta ri cujunamaj rib awuc'? Kas are' ri Ajawaxel at to'tajisanic; are' catc'uxlanic, catuto' c'ut, ¡are' ri a ch'ich' re ch'o'j ch'äcanel! Ri e a c'ulel cäquijach na quib pa ak'ab, ri at caxak'alej na ri nimal ri quec'amowic.”

1 Pedro 4:3

Chubana' c'u chiwe ri i chac pa tak ri k'ij ri xeboc'ow canok, aretak xiban ri jastak ri cäquirayij ri man e cojonelab taj. Xiban ronojel ri xiwaj, xiban ronojel ri itzel i rayibal, xixk'abaric, xiban nimalaj mac aretak ximulij iwib che nimak tak wa'im, ximulij iwib che u tijic tzam, xebik'ijilaj tak diosib ri e tz'il.

Apocalipsis 22:14

Utz que ri qui ch'ajom ri catz'iak, rech ya'tal ri che' re c'aslemal chque, xukuje' rech queboc pa tak ri u chi' ri tinimit.