Romanos 5:16 - Quiché Bible

¹⁶ Ri c'ulmatajic ri xpe rumal xa jun ajmac man cajunamataj ta ruc' ri u sipanic ri Dios, kastzij ri k'atoj tzij xpe rumal xa jun mac che c'okonic, rumal c'ut ri u sipanic ri Dios ri winak quek'alajisaxic chi man e c'o ta chic chquipam ri sibalaj q'ui qui mac.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Xuqujeꞌ man kajunumataj taj ri usipanik ri Dios rukꞌ ri kꞌax ri xukꞌam loq ri umak ri Adán. Ri qꞌatoj tzij ri kakꞌaman bꞌik pa ri kꞌaxkꞌolal are waꞌ ri xuya kanoq ri makaj, are kꞌu ri usipanik ri Dios xpetik rumal ri ukꞌiyal ri makaj rech jeriꞌ xuluya sukꞌal.

K'iche'

¹⁶ Ri mac ri xuban xa jun winak man cuya' taj cäjunamataj wa' ruc' ri tobanic ri cusipaj ri Dios. Je ri', rumal chi ri mac ri xuban xa jun winak xubano chi cäk'at tzij pa qui wi' ri winak chi cäc'äjisax qui wäch. Are c'u ru tobanic ri Dios xpetic rech cäjicomataj ri canima' ri winak cho ri Dios, pune sibalaj q'uia ri qui mac ca'nom.

K'iche' (New Orthography)

¹⁶ Ri mak ri xub'an xa jun winaq man kuya' taj käjunamataj wa' ruk' ri tob'anik ri kusipaj ri Dios. Je ri', rumal chi ri mak ri xub'an xa jun winaq xub'ano chi käq'at tzij pa ki wi' ri winaq chi käk'äjisax ki wäch. Are k'u ru tob'anik ri Dios xpetik rech käjikomataj ri kanima' ri winaq cho ri Dios, pune sib'alaj k'ia ri ki mak ka'nom.

Romanos 5:16 ပူးပေါင်းရင်းမြစ်များ

Ri Isaiy 1:18

Ri Ajawaxel cubij: “Tisaj kachomaj we jasach ri'. Pune' ta ne sibalaj quiäk rokroj ri i mac, quinban na che jacha' ri sak tew; pune' ta junam ruc' jun atz'iak ri rubum pa corinto quinban na sak che jacha' ri sakalaj rismal chij.

Ri Isaiy 43:25

Are c'u ri in rumal rech chi in a Dios, quebenchup ri awetzelal man quenataj ta chi na ri a mac chwe.

Ri Isaiy 44:22

Ri in e nu sachom chi tak ri a sachinakil xukuje' tak ri a mac, jas ri cuban ri sutz' cäsachic. Chattzelej ulok wuc', at nu torom c'ut.”

Ajilanic 7:15

jun alaj ama' wacax, jun ama' chij jun alaj ama' chij re jun u junab che u chi'xic jacha' che tabal tok'ob ri cächajirisaxic,

Ri Matey 6:14

We ri ix quebicuy ri etzelal ri e banom chiwe, ri i Tat ri c'o pa ri caj quixucuy na ix.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

1 Corintios 11:32

pune' c'u cäc'äjisax ka wäch rumal ri Ajawaxel xa' rech cujetamanic, rech man cäc'äjisax ta ka wäch junam cuc' ri e aj uwächulew.

Gálatas 3:10

Conojel ri qui jiquibam qui c'u'x chrij ri pixab, e c'o chuxe' c'okonic. Tz'ibatal c'ut: “C'okotajinak ronojel jachin ri man cäjeki' ta pa conojel ri jastak ri e tz'ibatal pa ri wuj re ri pixab, che qui banic.”

Santiago 2:10

Apachin ta' ne ri cunimaj ronojel ri pixab, cämacun c'u ne chrij xa' jun u tz'akatil, c'o u mac chquij conojel ri pixab.