Romanos 2:3 - Quiché Bible

³ ¿La cachomaj c'u lo at, ri cak'at tzij paquiwi' ri quebanow we jastak ri', je c'u ne caban at, chi catto'taj chuwäch ri u k'atan tzij ri Dios?

RI KꞌAKꞌ TESTAMENTO PA TZIJOBꞌAL KꞌICHEꞌ

³ ¿Teꞌq pa akꞌuꞌx chi katwinik katanimaj cho ri uqꞌatoj tzij ri Dios, at ri kaqꞌat tzij pa kiwiꞌ nikꞌaj chik, kabꞌan xuqu ya awe ri etzelal ri kakibꞌan aꞌreꞌ?

K'iche'

³ Ri at c'ut ri cak'at tzij pa qui wi' niq'uiaj winak chic, te c'u ri' caban at jas ri cäca'n ri e are', ¿a cachomaj chi ri Dios man cuk'at tä tzij pa wi' at chi cäc'äjisax a wäch? ¡Man je' taj!

K'iche' (New Orthography)

³ Ri at k'ut ri kaq'at tzij pa ki wi' nik'iaj winaq chik, te k'u ri' kab'an at jas ri käka'n ri e are', ¿a kachomaj chi ri Dios man kuq'at tä tzij pa wi' at chi käk'äjisax a wäch? ¡Man je' taj!

Romanos 2:3 ပူးပေါင်းရင်းမြစ်များ

Ucab Samuel 10:3

ri e c'amal tak qui be ri aj amonib xquibij che ri Hanun, ri qui nimal: “¿La are' pa c'u'x la chi ri David e u takom ulok we achijab ri' che ch'abexic la, xuwi ta che u ya'ic u k'ij ri tat la? ¡E u takom ulok wa' che u nic'oxic che u ca'yexic ri tinimit, cäpe c'u che u sachisaxic u wäch!”

Salmib 50:21

Ronojel wa' a banom, man c'o ta c'u jas nu bim chawe; xachomaj chi in junamatal awuc'. Quinq'uiak c'u na ri a mac chapalaj, ¡quinya' na ri tojbal awe jas ri takalic!

Salmib 56:7

¿La ma ta c'u lo caquikajbej na ri quetzelal? Nu Dios, chemach'irisaj la ri tinimit ruc' ri oyowal la.

E C'ambal tak Tzij 11:21

Ri banal etzelal cukajbej wi ri c'äjisabal u wäch, e are tak c'ut ri e suc' man c'o ta cäquikajbej.

E C'ambal tak Tzij 16:5

Ri Ajawaxel man quebucoch' taj ri cäquiban nimal; matam o chanim cäquirik na ri c'äjisabal qui wäch.

Ri Ezequiel 17:15

We u c'ojol we ajawinel ri' xuwalijisaj rib chrij ri ajawinel ri c'o pa Babilon xebutak bic takom pa Ejipt che qui tz'onoxic quiej xukuje' q'uialaj achijab. ¿La are c'u pa i c'u'x ix chi aretak je bantajinak wa' rumal utz ta quel na, cäto'taj ta c'u na ri u c'aslemal? ¿La cato'taj ta na ri u c'aslemal jun winak ri man cutz'akatisaj taj jun c'ulwächinic?

Ri Ezequiel 17:18

Ri are' xretz'bej u wäch ri chi'nic ri kas cäban na, ri u bim man xutz'akatisaj ta c'ut u banic ri c'ulwächinic; ri u yo'm u tzij che u banic, u banom c'u ronojel wa'. Rumal ri' man cäcuin ta na cuto'tajisaj ri u c'aslemal.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ri Matey 23:33

¡Ix je ta ne e cumätz! ¡Ix quija'l cumätz! ¿Jas lo ri quiban che u to'ic iwib chuwäch ri xibalba ri cac'äjisax wi i wäch?

Ri Matey 26:53

¿La ma ta aweta'm chi quincuinic quinbochi'n che ri nu Tat, ri are c'ut chanim quebutak na ulok cablajuj nimak tak mulaj tako'nib aj chicaj che nu to'ic?

Ri Lucax 12:14

Ri Jesus xubij che: “Achi, ¿jachin in cojowinak che k'atal tzij o che jachanel piwi'?”

Ri Lucax 22:58

Man naj ta chi c'ut, ri Lu' xilitaj chi rumal jun, ri xubij: “Xukuje' ri at at jun chque.” Ri Lu' xubij: “Tat, man in taj.”

Ri Lucax 22:60

Ri Lu' xubij: “Tat, man weta'm taj jas ri cabij.” C'ä cätajin cätzijonic, chanim xok' ri ama' ec'.

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

Romanos 2:2

Keta'm c'ut chi ri Dios, aretak cuk'at tzij paquiwi' ri winak ri quebanow we jastak ri', kas suc'alaj k'atan tzij cubano.

Romanos 9:20

Are c'u ri at, winak, ¿At jachinok, chi catc'ulelan che ri Dios? ¿La cubij lo ri lak che ri xbanowic: “Jasche je nu banic wa' xabano?”

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Hebreos 12:25

Rumal ri' chixoc il mixutuj ri cujch'abenic. E are' tak c'ut ri xquixutuj ri Dios aretak xepixbex rumal waral cho ri uwächulew, man xeto'tajtaj. Mawi c'u ne ri uj man cujto'tajtaj, we are cakaya' ri uwo kachak chuwäch ri cujpixben kas pa ri caj.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.