Romanos 13:3 - Quiché Bible

³ Ri takanelab man e cojom taj paquiwi' ri winak rech caquicoj ta xe'n ib chque ri caquiban utzil, xane' chque ri ebanal tak etzelal. ¿La cawaj c'ut chi man caxe'j ta awib chquiwäch ri k'atal tak tzij? Chabana' ba ri utz, cäya' c'u na a k'ij cumal.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Jeriꞌ rumal ri taqanelabꞌ xuqujeꞌ ri e qꞌatal taq tzij man e kꞌo taj chikixibꞌixik ri winaq ri kakibꞌan utzilal, xane rech kakixiꞌj kibꞌ ri kakibꞌan etzelal. ¿Kawaj man kaxiꞌj ta awibꞌ choch ri qꞌatal tzij? Are chabꞌana ri utzilal rech kayaꞌtaj na aqꞌij.

K'iche'

³ Je ri', rumal chi ri k'atal tak tzij man e cojom taj rech ri winak ri cäca'n utzil cäquixej quib, xane rech cäquixej quib ri winak ri cäca'n etzelal. We cawaj chi man caxej tä awib che ri k'atal tzij, chabana ba' ri utz pa ri a c'aslemal. Ri k'atal tzij c'ut cuya na a k'ij at.

K'iche' (New Orthography)

³ Je ri', rumal chi ri q'atal taq tzij man e kojom taj rech ri winaq ri käka'n utzil käkixej kib', xane rech käkixej kib' ri winaq ri käka'n etzelal. We kawaj chi man kaxej tä awib' che ri q'atal tzij, chab'ana b'a' ri utz pa ri a k'aslemal. Ri q'atal tzij k'ut kuya na a q'ij at.

Romanos 13:3 ပူးပေါင်းရင်းမြစ်များ

E C'ambal tak Tzij 14:35

Ri pataninel ri nawinel cuch'äc ri rutzil ranima' ri ajawinel, are c'u ri man nawinel taj cuch'äc ri royowal.

E C'ambal tak Tzij 20:2

Jun c'analaj ajawinel xak junam ruc' jun coj ri cawunic; ri cätzuruwic, xak quieb cubij puwi' ri u c'aslemal.

Romanos 13:2

Jeri', apachin ri cuc'ulelaj u wäch ri k'atal tzij, are cuc'ulelaj ri u takanic ri Dios. Are c'u ri quec'ulelanic, cäquic'am ulok c'äjisabal qui wäch chbil quib.

Romanos 13:4

Ri k'atal tak tzij, are e pataninel re ri Dios che u banic utzil chawe. We caban ri etzelal, chaxe'j awib. Man xak ta lok' ruc'am ri u ch'ich'. Are pataninel re ri Dios che u c'äjisaxic qui wäch ri e banal tak etzelal, jas ri takal chque.

U Camulixic ri Pixab 25:1

“Aretak c'o jun ch'o'j chixo'l, rajawaxic quixbe pa k'atbal tzij rech cäk'at tzij piwi', ri e k'atal tak tzij cäquik'alajisaj na jachin ri man c'o ta u mac, cäquic'äjisaj c'u na u wäch ri c'o u mac.