Ri Xuan 5:9 - Quiché Bible

⁹ Chanim ri achi xutziric, xuwalijisaj ri u pop, xbin c'ut. Ri k'ij ri' are k'ij re uxlanem.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Ri achi aninaq xutzirik, xukꞌam bꞌik ri uchꞌat, xuchapleꞌj bꞌinem. Ri kꞌulmatajem riꞌ xbꞌantaj pa ri qꞌij rech uxlanem.

K'iche'

⁹ Chanim xutzir ri achi. Xuyac bi ru soc, xuchaplej binem. Are c'u k'ij re uxlanem aretak xbantaj wa'.

K'iche' (New Orthography)

⁹ Chanim xutzir ri achi. Xuyak b'i ru sok, xuchaplej b'inem. Are k'u q'ij re uxlanem aretaq xb'antaj wa'.

Ri Xuan 5:9 ပူးပေါင်းရင်းမြစ်များ

Ri Isaiy 35:6

ri man tz'akat ta cäkan qui k'ab quech'opin na jacha' ri masat, ri memab cäquirak na qui chi'. Chupam ri chaki'j uwo sak, chaki'j ulew, quel wi na ulok ja' jacha' nima'.

Ri Jeremiy 17:21

Ri Ajawaxel cubij: Pa ri k'ij re uxlanem che c'u qui tok'obisaxic qui wäch ri kas e i c'aslemal, mebic'am bic eka'n mawi mebicoj bic pa tak ri e oquibal pa Jerusalen.

Marcos 1:31

Ri Jesus xkeb ocok ruc' ri chuchu', xuchap che ri u k'ab, xuwalijisaj. Chanim xtäni' ri k'ak' chrij, xuchaplej c'u qui patanixic.

Marcos 1:42

Chanim xel ri ch'a'c che, xux ch'ajch'oj.

Marcos 10:52

Ri Jesus xubij che: “Jät, xatcunataj rumal ri a cojonic.” Chanim xca'yic, xteri' c'u chrij ri Jesus.

Marcos 5:29

Chanim xtäni' ri u quiq'uel ri quelic. Xuna' pa ri u cuerp chi xcunataj che ri yabil.

Ri Xuan 5:14

Xbantaj chi c'u wa', ri Jesus xurik ri achi pa ri rachoch Dios, xubij che: “Chawilampe', xatutziric. Matmacun chic, rech man cäpe ta chi jun jasach chawij ri sibalaj c'ax na.”

Ri Xuan 7:23

We pa ri k'ij re uxlanem cäkopix ri u wi' ri u tz'umal ri ala wi che retal, che u nimaxic ri u pixab ri Moises, ¿jasche cäpe iwoyowal chwij aretak pa k'ij re uxlanem xinwutzirisaj ronojel ri jun winak?

Ri Xuan 9:14

K'ij c'ut re uxlanem aretak ri Jesus xuban ri xok'ol, xebujak ri u bak'wäch ri moy.