Ri Tzijonel 6:2 - Quiché Bible

² Ri Dios cuya' chque jujun q'uialaj tak k'inomal xukuje' je'lical, mawi c'u jubik' c'o ta ri cajwataj ta chque che ri cäquirayij; man cuya' ta c'u chque chi quequicot ta rumal ronojel wa', xane e jule' chi wi ri quetijowic ri quecojowic. ¡Xukuje' ba' wa' xak jun cawächibal, man c'o ta u beya'l, xak lok', kastzij bisobal!

Ri Tzijonel 6:2 ပူးပေါင်းရင်းမြစ်များ

Nabe Ajawinelab 3:13

Quinya' c'u na tak k'inomal chawe xukuje' u nimarisaxic a k'ij, jastak ri man xebatz'onoj ta chwe, jeri' chi pa ronojel ri a c'aslemal man c'o ta chic jun ajawinel jacha' ri at.

Nabe Tzijobelil 29:25

Ri Ajawaxel xubano chi ri Salomon sibalaj xnimar u k'ij chuwäch ronojel Israel, xujelarisaj c'ut ri rajawinic chi jacha' mawi ta ne jubik' c'o ta jun ajawinel re Israel re nabe ri xjunamataj ta ruc'.

Nabe Tzijobelil 29:28

Sibalaj c'u nim winak chic xcäm pa jamaril, e rekam q'ui u junab, k'inomal tak xukuje' e nimarisabal tak k'ij. Are' c'u xajawin ri Salomon ri u c'ojol chupam ri u c'olbal.

Ucab Tzijobelil 1:11

Ri Dios xutzelej u wäch u tzij ri Salomon: “We c'u are' wa' ri a rayinic, man a tz'onon ta c'ut k'inomal mawi tak utzilal mawi nimarisan tak k'ij, mawi ri qui cämical tak ri e a c'ulel, mawi ri u yukic ta rakan ri a c'aslemal, xane' no'j xukuje' etamanic rech catcuin che u k'atic tzij puwi' ri nu tinimit, ri xatincoj wi che ajawinel,

Salmib 17:14

ruc' ri cuinem la, Ajawaxel, chinto' la rech man quinkaj ta pa qui k'ab, ¡chebesaj la bic cho we uwächulew ri', ri are quechbal pa we c'aslemal ri'! Chya' la be chque chi quenoj chque tak k'inomal, chi chewok tak ri calc'ual c'ä chepok' na, xukuje' c'ä chto'taj na can chque tak ri qui' tak qui mam.

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.

Salmib 73:7

che ri abajalaj canima' cäpe wi ri macaj, man cajilataj ta c'u ri itzel tak qui chomanic.

Ri Tzijonel 4:4

Xinwilo xukuje' chi ri sibalaj u q'uisic ib che u banic ri chac xukuje' aretak utz quel jun comon chac cuwalijisala' quiäk rayinic, xukuje' c'u wa' man c'o ta u beya'l, xak lok', xukuje' xa cajwax u chapic ri quiakik'.

Ri Tzijonel 4:8

Jun winak ri c'o xak u tuquiel, ri man e c'o ta rachil, mawi tak ralc'ual, mawi tak rachalal, ri mawi cuxlan ta jubik, ri kas man cäcos ta che u ca'yexic ri u k'inomal, mawi c'u ne cuc'ot ta u chi' chbil rib: “¿Jachin c'u lo che cätajin quinchacun wi? ¿Jasche quink'il ri utzil chwe?” Xukuje' ba' wa' xak cawächibal, xak jun alalaj eka'n.

Ri Tzijonel 5:13

Jun jasach kastzij ri sibalaj bisobal wilom cho we uwächulew ri': chi ri u mulixic k'inomal cabe che u banic c'ax che ri ajchak'e,

Ri Tzijonel 5:16

Kastzij chi sibalaj bisobal: chi jacha' ri u petic cho ri uwächulew, jeri' xukuje' ri u bic. ¿Jas c'ut ri xresaj che ri sibalaj chac ri xuq'uis rib che u banic ri man c'o ta cupatanij?

Ri Tzijonel 5:18

Nu rikom c'ut chi ri utz na xukuje' sibalaj je'l na are ri wa'im, xukuje' ri uq'uianic, xukuje' ri u quicotisaxic ib che u wächinic ri sibalaj chacunic cho we uwächulew ri' pa ri quieb oxib k'ij c'aslemal ri cuya' ri Dios chke, are c'u wa' ri ka taklebem.

Ri Tzijonel 5:19

Xukuje' che apachin ta ne ri cuya' wi q'ui k'inomal ri Dios, cuya' c'u che chi cäcuin che u tijic re chque xukuje' ri u c'amic ri ya'tal che, are c'ut ri u cojic ri u wächinic ri sibalaj chac cäpe ruc' ri Dios.

Ri Isaiy 55:2

¿Jasche cäya' ri puak che u q'uexwäch ri man wa taj? ¿Jasche quiya' ri quich'äco che jun jasach ri man cänojisan taj? Kas utz nu tatabexic chibana', quebitij c'u na utzalaj tak k'obisabal, quebitij na je'lalaj tak jastak.

Juyuwem 5:2

Ronojel ri kech oquinak pa qui k'ab ri winak ri man e ka winakil taj; camic ri kachoch e quech chic ri winak ri man keta'm ta qui wäch.

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

Ri Osey 7:9

Winak ri man etamatal qui wäch q'uisom ri e u chuk'ab man xunabej ta c'ut ri are'. ¡Xsakar c'u ne ri u wi' man c'o ta c'u xunabej ri are'!

U Camulixic ri Pixab 28:33

Ri qui wächinic tak ri awulew xukuje' ronojel ri a ch'äcom pa ri a chac, winak quetijow na ri mawi jubik' aweta'm ta qui wäch; ronojel k'ij cäban na c'ax chawe, itzel catil na.

U Camulixic ri Pixab 28:43

Ri winak ri man e a winakil ta ri e c'o pa ri awulew, k'ij chi k'ij cäc'oji' na qui chuk'ab, are c'u ri at k'ij chi k'ij cäq'uis na ri a chuk'ab.

K'atal tak Tzij 18:10

Aretak quixopan chila'; quebirika' na winak ri man c'o ta queboc ta wi il, xukuje' c'o nimalaj culew, ri man c'o ta cajwataj chque. Ri Dios cujach na we ulew ri' pa i k'ab.”