7 Rumal c'u ri', chquixo'l ri c'axalaj tak ichic' xukuje' e q'ui tak tzij xukuje' jastak ri man c'o ta quel caquibij, ri at rajawaxic cac'utu chi nim cawil wi ri Dios.
Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.
Weta'm c'ut chi ronojel ri u banom ri Dios cajeki' amak'el. Man c'o ta jas ri cätik ta chi che mawi c'o jas ri quesax ta chi che; je u banic wa' u banom ri Dios, rech nim quilic.
Ri utz na are ri utzalaj u chapic wa' matzokopij c'u bic ri c'o pa k'ab. Jachin ri man caresaj taj u q'uixbal ri Dios utz quel na pa conojel we jastak ri'.
¡Ri quel wi wa' chi ri cämacunic cutakej c'u macunic sibalaj q'ui junab cac'asi' na! (Ri weta'm cänok in chi ri nim cäquil wi ri Dios xukuje' caquina' quib chuwäch, utz caquitaklebej;
e are' c'ut, ri e banal tak etzelal itzel caquitaklebej coc'ow c'ut ri qui c'aslemal jacha' jun mumu'j rumal rech chi man caquina' ta quib chuwäch ri Dios.)
Ronojel wa' wilom aretak kas xinjach wib che retamaxic ri caban cho we uwächulew ri' xukuje' ri cuinem ri c'o ruc' ri winak che u banic c'ax che ri rajil u tz'akat.