Ri Tzijonel 5:16 - Quiché Bible

¹⁶ Kastzij chi sibalaj bisobal: chi jacha' ri u petic cho ri uwächulew, jeri' xukuje' ri u bic. ¿Jas c'ut ri xresaj che ri sibalaj chac ri xuq'uis rib che u banic ri man c'o ta cupatanij?

Ri Tzijonel 5:16 ပူးပေါင်းရင်းမြစ်များ

E C'ambal tak Tzij 11:29

Ri man cärilij taj ri rachoch, man c'o ta jas ri cäcanaj ta ruc'; ri man c'o ta u no'j amak'el cux u lok'om pataninel ri c'o u no'j.

Ri Tzijonel 1:3

¿Jas ri cärechbej ri winak che ri sibalaj chac ri cuban cho we uwächulew ri'?

Ri Tzijonel 2:11

Xinoc c'u che u chomaxic tak ri kas e nu chac, xukuje' ri c'ax ri xinrik che qui banic, xinch'ob c'ut chi ronojel man c'o ta cubej, xak lok', jun u k'atixic u chapic ri quiakik', ri man c'o ta quechbex che cho we uwächulew ri'.

Ri Tzijonel 3:9

¿Jas ri cuch'äc ri winak che ri sibalaj chac ri cubano?

Ri Tzijonel 5:13

Jun jasach kastzij ri sibalaj bisobal wilom cho we uwächulew ri': chi ri u mulixic k'inomal cabe che u banic c'ax che ri ajchak'e,

Ri Isaiy 26:18

Cujalc'ualanic, cäkana' ri u k'oxomal ri alanic, xujalanic, xa c'u quiakik' ri xkalaj. Man ka c'amom ta ulok ri colobenic chque ri winak pa ri ulew mawi quebalax chi winak ri quenojisan ta ri uwächulew.

Ri Jeremiy 2:8

Ri e cojol tabal tok'ob man xinquitzucuj taj, ri e ya' tak qui no'j ri nu tinimit man xquich'ob ta nu wäch, ri e c'amal tak be xquiwalijisala' tak quib chwij, e are chi c'ut ri e k'axal nu tzij xech'aw pa u bi' ri Baal xukuje' xequiterenej tak ri diosib ri man c'o ta qui patan.”

Ri Osey 8:7

We winak ri' xequitic quiakik' qui wächinic tak cakulja quequiyac na; man e c'o ta na culew ri quequiyac ta na qui wäch, mawi caquesaj na c'äj che ri qui trico; we c'u ne caquesaj, e are tak ri man e qui winakil taj quetijow na.

Marcos 8:36

¿Jas ta c'u lo cärechbej ri winak, we ta cuch'äc ronojel ri uwächulew, cutzak ta c'u ri u c'aslibal?

Ri Xuan 6:27

Mixoc il che u rikic ri wa ri cäsach u wäch, xane' che u rikic ri wa ri cäjekic ri cuya' junalic c'aslemal chiwe, are wa ri cuya' ri Rija'l Winak chiwe, rumal rech chi ri Dios Tataxel u cojom ri u t'ikbal che.”

1 Corintios 16:16

Quixinbochi'j chi quiya' iwib pa takic chque ri kachalal ri e je tak jas ri e are', xukuje' chque conojel ri quetobanic ri cäquicos quib pa ri chac.

Nabe Samuel 12:21

Mebiterenej tak diosib e subunelab c'ut, ri man quecuin taj quetobanic mawi queto'tajisanic.