Ri Tzijonel 2:3 - Quiché Bible

³ Ruc' ri nu chomanic ri c'o chuxe' ri no'j, xinwaj xintijtobej jas cuban ri u wa'l uva chwe, xinjach c'u wib che ruq'uiaxic rech quinwetamaj we are wa' ri sibalaj takal na che ri winak pa ri ajilatal tak k'ij ri cac'oji' cho we uwächulew ri',

Ri Tzijonel 2:3 ပူးပေါင်းရင်းမြစ်များ

Chapletajic 47:9

Ri Jacob xubij che ri ajawinel: “E c'o chi jun sient ruc' juwinak lajuj (130) junab ri xak xebenjalala' nu c'olbal. Man e q'ui ta wa', c'ax c'u nu rikom pa tak we junab ri', maja' c'u naj quinc'asi'c jacha' ri junab ri xec'asi' ri e nu mam.”

Ri Job 14:14

We cacäm jun winak, ¿la cac'asi' ta chi lo jumul? In quiweyej ronojel ri k'ijol ri rajawaxic c'ä cäpe na ri cutziric tak ri e nu c'axc'ol.

Salmib 104:15

ri wa ri queyo'w u chuk'ab, xukuje' ri u wa'l uva, ri cuya' quicotemal che ri u c'aslemal ri cubano chi cäjuluw na ri u palaj chuwäch ri aseit.

E C'ambal tak Tzij 20:1

Ri u wa'l uva cuban che ri winak chi cuban nimal; ri e uq'uia' tak ri utz qui k'obisaxic banom cuyojtajisaj; apachin ta ne ri cakaj chupam man c'o ta jun utz ta u cojic ri u no'j cubano.

Ri Tzijonel 1:17

xinjachachej c'u wib che kas retamaxic ri no'j, ri etamanic, xukuje' ri man cäch'obon taj, ri man no'j taj; xa c'u rech quinch'obo chi xukuje' wa' xa cajwax u chapic ri quiakik'.”

Ri Tzijonel 10:19

Ri wa che u tijic, ri u wa'l uva che u quicotisaxic ri c'aslemal; cajwataj c'u puak che wa'.

Ri Tzijonel 12:13

Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.

Ri Tzijonel 2:24

Ri utz na ri cuya' cuban ri winak chwok xukuje' chuq'uianok, chutija' chucojo' ri u wächinic ri u chac, nu rikom c'ut chi xukuje' wa' cäpe ruc' ri Dios.

Ri Tzijonel 5:18

Nu rikom c'ut chi ri utz na xukuje' sibalaj je'l na are ri wa'im, xukuje' ri uq'uianic, xukuje' ri u quicotisaxic ib che u wächinic ri sibalaj chacunic cho we uwächulew ri' pa ri quieb oxib k'ij c'aslemal ri cuya' ri Dios chke, are c'u wa' ri ka taklebem.

Ri Tzijonel 6:12

Kas c'u tzij, man c'o ta jachin jun reta'm jachique ri utz na che ri winak pa ri ajilatal tak k'ij man c'o ta u beya'l, xak lok', ri are ri u c'aslemal. Ri e u k'ij queboc'ow na jacha' jun mumu'j, ¿jachin ta c'u lo ri cäcuin ta che u bixic che jas ri quec'ulmataj na pa we uwächulew ri' aretak cäminak chic?

Ri Tzijonel 7:18

Ri utz na are ri utzalaj u chapic wa' matzokopij c'u bic ri c'o pa k'ab. Jachin ri man caresaj taj u q'uixbal ri Dios utz quel na pa conojel we jastak ri'.

Ri Tzijonel 7:25

Xinjach c'u wib che u rikic etamanic, che u ch'obic xukuje' quitzucuxic jujun aj no'jalaj tak q'uisbalil. Xincuin c'u che u ch'obic chi man utz ta ri man c'o ta u no'j, jun ch'ujilal c'ut ri cuban rib chi sachinak.

Ri Tzijonel 8:15

Rumal ri' quinbij chi are utz na ri jajatem. Are c'u ri utz na ri cäcuin ri winak che u banic cho we uwächulew ri' are ri wa'im, ri uq'uianic xukuje' chuquicotisaj rib, xuwi c'u wa' cäcanaj ruc' che ri u chac pa tak ri k'ij re ri u c'aslemal ri cuya' ri Dios che cho we uwächulew ri'.

Ri Matey 6:24

“Man c'o ta jachin jun cäcuinic quebupatanij quieb ajawib, rumal rech chi cäretzelaj na u wäch ri jun, culok'ok'ej c'u na ri jun chic, o cäruc'aj rib ruc' ri jun, man nim ta c'u cäril wi ri jun chic. Man quixcuin taj quipatanij ri Dios xukuje' ri k'inomal.”

Efesios 5:18

Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.

K'atal tak Tzij 9:13

‘Jayi',’ xcha' ri u juwi' uva chque, ‘we c'u quinoc che cajawinel ri che', quintanaba' qui ya'ic ri' ri u wa'l uva ri cuya' quicotemal chque ri winak jacha' xukuje' che ri Dios.’

Nabe Samuel 25:36

Aretak xopan ri Abigail jawije' c'o ri Nabal, xrilo chi cätajin cuban jun nimak'ij pa ri rachoch cajunamataj ruc' ri cuban jun ajawinel. Sibalaj cätajin cäquicotic sibalaj c'u k'abarel. Rumal ri' man c'o ta jas xubij ri Abigail che xane' c'ä chucab kij.