Ri Tit 1:9 - Quiché Bible

⁹ Rajawaxic chi cunimaj ri jicalaj tzij, jas ri cubij ri tijonic, rech cäcuinic quebupixbej ri winak ruc' ri utzalaj tijonic ri man c'o ta etzelal che, xukuje' cäcuin che qui ch'äquic ri winak ri cäquiban qui c'ulel che ri tijonic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Kꞌolol re ri sukꞌalaj tzij ri kꞌuttal choch, rech kakwinik kuꞌtaqchiꞌj nikꞌaj chik rukꞌ ri utz laj kꞌutuꞌn rech kuꞌchekꞌ ri kekꞌululaꞌnik.

K'iche'

⁹ Rajwaxic chi kas jicom ranima' ri are' chrij ru Lok' Pixab ri Dios junam jas ri c'utum chuwäch, rech ri are' cäcowinic cuwalijisaj ri canima' ri kachalal, queupixbaj ruc' ri utzalaj tijonic ri man c'o tä etzelal chupam, xukuje' rajwaxic cäna'w chuc'utic chi are ri kas tzij ri tajin cuc'ut chquiwäch ri winak ri xa quec'ulelanic.

K'iche' (New Orthography)

⁹ Rajwaxik chi qas jikom ranima' ri are' chrij ru Loq' Pixab' ri Dios junam jas ri k'utum chuwäch, rech ri are' käkowinik kuwalijisaj ri kanima' ri qachalal, keupixb'aj ruk' ri utzalaj tijonik ri man k'o tä etzelal chupam, xuquje' rajwaxik käna'w chuk'utik chi are ri qas tzij ri tajin kuk'ut chkiwäch ri winaq ri xa kek'ulelanik.

Ri Tit 1:9 ပူးပေါင်းရင်းမြစ်များ

2 Tesalonicenses 2:15

Je c'u ri', kachalal, co chixtac'alok, mitzokopij ri tijonic ri xya' chiwe rumal ri ka tzij xukuje' rumal ri ka wuj.

2 Timoteo 1:13

Chabij ri tzij jacha' ri xata' wuc', ri utzalaj tzij ri man c'o ta etzelal che. Chac'olo' ronojel ruc' ri cojonic xukuje' ri lok'ok'ebal c'u'x ri cäya' chke rumal ri Crist Jesus.

1 Timoteo 6:3

We c'o jun ri jun chi wi u tijonic, ri man cucoj ta ri u tzij ri Kajaw Jesucrist, are wa' ri utzalaj tzij ri man c'o ta etzelal che, man cucoj ta ri tijonic re nimanic che ri Dios,

1 Timoteo 1:10

ri cäquiban macunic cuc' ixokib achijab, ri achijab ri cäquiban ixok che jun cach' achi, ri eläk'al tak winak, ri e banal tak tzij, ri man cäquiban ta ri qui bim ruc' kastzij, xukuje' chque conojel ri cäquiban apachique jasach chic ri man je taj cubij ri utzalaj tijonic ri man c'o ta etzelal che,

Apocalipsis 3:3

Chnataj ba chawe ri tzij ri a c'amom xukuje' ri a tom; chabana', chaq'uexa' ri a c'u'x. We c'u man catc'asc'atic, quinpe awuc' jacha' ta ne jun eläk'om, man c'o ta canabej jachique jok'otaj quinpe awuc'.

1 Timoteo 1:15

C'o jun tzij ri cuya' cäcu'bi ka c'u'x chrij, takal c'u che ri tzij chi cäcoj cumal conojel: chi ri Crist Jesus xpe cho ri uwächulew che qui colic ajmaquib, in c'u ri' nim na ri nu mac chquiwäch conojel.

Ri Tit 2:1

Ri at c'ut, chatzijoj jastak ri takal che ri utzalaj tijonic ri man c'o ta etzelal che:

Ri Tit 1:11

Rajawaxic chi cätz'apix ri u pa qui chi'. Quequitijoj ri winak che jastak ri man ya'tal taj xa' rech cäquich'äc puak rumal. Quequituquij jujun tak ja winak.

2 Timoteo 4:3

Cäpe c'u na k'ij aretak ri winak man cäquich'ij ta na ri suc'alaj tijonic. Xane' quequitzucuj na q'ui cajtij ri cäquic'ut chquiwäch jas ri cäcaj cäquito, jas ri u beya'l ri xa' qui rayibal.

1 Tesalonicenses 5:21

Chitijtobej ronojel; chic'olo' ri utz.

E C'ambal tak Tzij 23:23

Chalok'o' ri kastzij, ri no'j, ri tijonic xukuje' ri ch'obonic, ¡mebac'ayij c'ut!

Ri Job 2:3

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ta ri are', ri sibalaj ta jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal sibalaj c'u cuchajij rib chi man c'o ta jun c'ax cuban ta che jachin jun. Pune' c'u ne xaban chwe chi xinsachisaj u wäch ronojel ri c'o ruc' man chutojic ta c'u ne jun macaj ri u banom taj, ri are' jic cabinic man c'o ta c'u ne macaj pa ri u c'aslemal.”

Apocalipsis 3:11

Chawilampe', quinbe na chanim iwuc'. Matzokopij ba' ri c'o awuc', rech c'o jun mämajow ri a corona', ri tojbal ri caya' na chawe.

Apocalipsis 2:25

ri c'o c'ut iwuc', mitzokopij c'ä quinpe na.

Ri Juds 1:3

Lok'alaj tak wachalal, sibalaj xinwaj xintz'ibaj ta chiwe chrij ri kacoltajem junam iwuc'. Camic c'ut rajawaxic quintz'ibaj bic chiwe che i pixbexic chi kas quitij i chuk'ab che u bixic chi kastzij ri cojonic ri xa jumul yo'm chque ri tastalic tak winak.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

2 Timoteo 2:2

Ri nu bim chawe chquiwäch e q'ui k'alajisanelab, are ri' chajacha' chque ri e jicalaj tak winak ri xukuje' quecuin che qui tijoxic niq'uiaj chic.

1 Timoteo 4:9

Jic ri tzij xukuje' takalic chi cac'amowax cumal conojel.

1 Timoteo 1:19

Chajiquiba' ri a cojonic, chabana' ronojel rech cana' pa awanima' chi man c'o ta etzelal a banom. E c'o jujun man xcaj taj xquiban wa', xetzak c'ut, xquiya' can ri qui cojonic.

Hechos 18:28

Ruc' sibalaj tijoj chuk'ab xebuc'ulelaj ri aj judeyib chquiwäch ri winak, xuc'ut chquiwäch rumal ri tz'ibatalic chi ri Jesus are' ri Crist.

Ri Job 27:6

Man quinwesaj ta wib chupam chi in tz'akat pa ronojel, man c'o ta c'u jun etzelal nu banom.

1 Corintios 14:24

We c'u cätajin cäquik'axej ri u tzij ri Dios chque ri winak aretak coc bic jun ri man cojonel taj o ri man c'o ta reta'm, aretak cuta' ri qui tzij conojel, cuch'ob c'u na ri' chi c'o u mac xukuje' cuchomaj na jas ri c'o pa ranima',

2 Timoteo 3:14

Chabana' ba at jas ri awetamam xukuje' ri a cojom. Aweta'm c'ut jachin ruc' a tijom wi awib.