Ri Rut 3:7 - Quiché Bible

⁷ Ri Booz xwa'ic, xuq'uianic sibalaj c'u cäquicotic. Xek'oyol c'u che waram chuxcut ri jumulaj sebad. Chumatam chi na camatzatz ri Rut xopanic, xupac ri u k'u' ri rakan xk'oyi' c'u chila'.

Ri Rut 3:7 ပူးပေါင်းရင်းမြစ်များ

Chapletajic 43:34

Ri wa' ri xuya' ri Jose chque pa tijic kas are' ri c'o puwi' ri u mexa, che c'u ri Benjamin c'o na ri u nimal ri u wa' ri xuya' chquiwäch ri niq'uiaj chic. Ri Jose xukuje' ri e rachalal xebuq'uian junam sibalaj c'u xejajatic.

Ucab Samuel 13:28

Ri Absalon xusuc'umaj jun wa'im jas ri cacoj chuwäch jun ajawinel, u yo'm c'u qui takquil ri u pataninelab, xubij chque: “Kas utz rilic chibana' aretak pakalinak chic ri u wa'l uva pa u jolom ri Amnon, aretak c'u chinbij chiwe chi chicämisaj. Mixe'j iwib che u banic, in c'ut, ri yowinak ri takanic. Chi chajij ba' anima' chc'ol ri i chuk'ab.”

Nabe Ajawinelab 21:7

Are' c'u ri Jezabel, ri rixokil, xutzelej u bixic che: “¡At ya' ri cattakan pa Israel! Chatwalijok, jatewok chatt'uyul c'u pa utzil. ¡In quinyo'w na ri u ticbal uva ri Nabot chawe!”

Ri Ester 1:10

Chupam ri uwuk k'ij re ri nimak'ij, ri ajawinel Asuer sibalaj cäquicotic rumal ri u wa'l uva ri u tijom, xebutak bic ri Mehuman, ri Bizta, ri Harbon, ri Bigta, ri Abag, ri Zetar xukuje' ri Carcas, wukub achijab ri u cuban u c'u'x chquij,

Salmib 104:15

ri wa ri queyo'w u chuk'ab, xukuje' ri u wa'l uva, ri cuya' quicotemal che ri u c'aslemal ri cubano chi cäjuluw na ri u palaj chuwäch ri aseit.

Ri Tzijonel 10:19

Ri wa che u tijic, ri u wa'l uva che u quicotisaxic ri c'aslemal; cajwataj c'u puak che wa'.

Ri Tzijonel 2:24

Ri utz na ri cuya' cuban ri winak chwok xukuje' chuq'uianok, chutija' chucojo' ri u wächinic ri u chac, nu rikom c'ut chi xukuje' wa' cäpe ruc' ri Dios.

Ri Tzijonel 8:15

Rumal ri' quinbij chi are utz na ri jajatem. Are c'u ri utz na ri cäcuin ri winak che u banic cho we uwächulew ri' are ri wa'im, ri uq'uianic xukuje' chuquicotisaj rib, xuwi c'u wa' cäcanaj ruc' che ri u chac pa tak ri k'ij re ri u c'aslemal ri cuya' ri Dios che cho we uwächulew ri'.

Ri Tzijonel 9:7

¡Jo' ba'! chatakej u tijic ri wa ri catijo; chatquicot che ruq'uiaxic ri u wa'l uva, ri cawuq'uiaj e kajinak c'u chuwäch ri Dios ri e a banoj.

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

Efesios 5:18

Mixk'abaric. Chupam c'u wa' c'o c'axc'olil. Xane' chnojisax ri iwanima' che ri Ruxlabal ri Dios.

K'atal tak Tzij 16:25

Sibalaj c'u xequicotic, aretak xquito chi cäc'am bic ri Sanson chquiwäch rech cäquetz'bej u wäch. Xquesaj c'u ulok ri Sanson pa ri che', xquitac'aba' chuxo'l ri quieb rakan ja, xequicot c'u che retz'bexic u wäch.

K'atal tak Tzij 19:22

Aretak sibalaj cätajin quequicotic, xebopan jujun itzel tak achijab aj chila', xquisutij rij ri ja, xquichaplej u paxixic ri uchi'ja, xquibij che ri nim winak ri ajchak'e ja: “¡Chawesaj ulok ri achi ri a yo'm rokxanibal, cäkaj cujk'oyi ruc'!”

K'atal tak Tzij 19:6

E quieb c'ut junam xet'uyic, xewa'ic, xebuq'uianic, are c'u ri u tat ri ixok xucoj u chuk'ab che chi cäcanaj na canok, rech cäroc'owisaj jun ak'ab chic ruc' quicotemal.

K'atal tak Tzij 19:9

Aretak ri aj Levi xwalijic rech cäbec cuc'am bic ri man kas ta rixokil, xukuje' ri u pataninel, ri u ji' xuban u bixic che chi sibalaj matam chic, chi benak chic ri k'ij, xubij che chi cäcanaj chi na can che ri jun ak'ab, rech cäroc'owisaj ri jun ak'ab ruc' quicotemal, c'äte c'u quebe ak'ab chucab k'ij.

Ri Rut 3:6

Ri Rut xbe pa ri ulew xuban c'u ronojel ri xtak wi rumal ri ralib chuchu'.

Ri Rut 3:8

Niq'uiaj ak'ab chi c'ut, ri Booz xak c'äte xc'astajic, aretak c'u xusolcopij rib xuxe'j rib chi k'oyol jun ixok pa rakan.