Ri Rut 3:10 - Quiché Bible

¹⁰ “¡Ri Ajawaxel chattewichinok!” xcha' ri Booz. “Kas c'u camic a c'utum chi at jic che ri k'etz awachajil. Ya'tal chawe chi xatzucuj jun ri c'ojol ta na chnuwäch in, we meba', we k'inom, man je ta c'u a banom wa'.

Ri Rut 3:10 ပူးပေါင်းရင်းမြစ်များ

Chapletajic 24:31

xubij c'u che: “Saj la lal tewichital rumal ri Ajawaxel. ¿Jas ta che cäcanaj la waral? Nu jamom chi c'u ri u pa ja xukuje' nu jamom jun c'olbal chque ri camey.”

Ri Rut 1:8

xubij c'u chque pa ri be: “Jix chixtzelej cho iwachoch, ruc' ri i nan. Are c'u ri Ajawaxel amak'el cuban na utzil chiwe, jacha', ri xiban chwe xukuje' chque ri wal,

Ri Rut 2:11

Ri Booz xutzelej u bixic che: “Sibalaj wetamam ronojel ri a banom che u to'ic ri awalib kas aretak cäminak chic ri awachajil, xukuje' wetamam chi e a yo'm can ri a nan a tat xukuje' ri a tinimit che a petic rech cateljekel kuc', ri uj winak ri man etamatal ta ka wäch awumal.

Ri Rut 2:20

Ri Noemi xutzelej u bixic che: “¡Chtewichi'x ba' rumal ri Ajawaxel! Ri are' u banom utzil chke camic, jacha' xuban nabe chque ri cäminakib. We achi ri' c'o cux chke, rumal ri' are jun chque ri ya'tal ka to'ic rumal.”

Ri Rut 2:4

xopan c'u ri Booz, u petic pa Belen xuya' c'u rutzil qui wäch ri ajk'atolob: “¡Are' ri Ajawaxel chc'ol iwuc'!” “¡Are' ri Ajawaxel chtewichi'n la!” xecha' che.

Ri Rut 3:9

“¿At, jachinok?” xcha' ri Booz. “In ri Rut, ri pataninel ech la,” xcha' ri are'. “Lal c'o cux la chwe ri nakaj lal c'o wi, ya'tal c'u che la chi quintok'ej la. Are quinwaj cac'uli' la wuc'.”

Nabe Samuel 15:13

Xbe c'u ri Samuel jawije' c'o wi ri Saul, xubij c'u wa' che: “Ri Ajawaxel chtewichi'n la. Xtz'akat c'ut ri u takanic ri Ajawaxel wumal.”