Ri Rut 2:14 - Quiché Bible

¹⁴ Aretak xurik ri wa'im, ri Booz xusiq'uij ri Rut xubij c'u che: “Tasaj waral, chac'ama' jun ch'akap a caxlanwa chamu' c'u chupam ri u tzatzal ri ch'amalaj u wa'l uva.” Ri Rut xt'uyi chquixcut ri rajk'atalob ri Booz xuya' q'uilim pol che. Ri are' xwa'ic c'a xnoj na man xcuin ta c'u ne che u q'uisic ri xya' che.

Ri Rut 2:14 ပူးပေါင်းရင်းမြစ်များ

Ucab Samuel 17:28

Xequic'am bic ch'at chque, tzima t'uy, xukuje' trico, sebad, c'äj, pol, caxlanquinak', k'an quinak',

Salmib 23:5

Suc'umam la jun ula'bal chwe chquiwäch ri e nu c'ulel; jamim la c'oc'al pa nu jolom, chemowisan la ri wuq'uiabal.

Ri Isaiy 32:8

Are c'u ri utzalaj winak, cuchomaj qui banic utzalaj tak jastak, pa tak c'u we chomanic ri' cäjeki' wi.

Ri Isaiy 58:7

xukuje' chi caya' u wa ri cänumic, chi cac'amowaj cho awachoch ri meba' ri man c'o ta rachoch chi caya' ratz'iak ri man c'o ta ratz'iak, chi man cak'il ta awib che u banic tok'ob chque ri awajil a tz'akat.

Ri Matey 14:20

Xewa' c'u conojel, xenojic; xebequiyac ri ch'akatak ri xeto'tajic e cablajuj (12) chicäch nojinak.

U Camulixic ri Pixab 11:15

Xukuje' cuban na chi queq'uiy tak ri k'ayes pa ri ulew che quecha' ri e i wacax, rech ri ix xukuje' c'o ronojel u wäch ri quitijo.

U Camulixic ri Pixab 8:10

Aretak c'u ix wokinak chic, quina' chi nojinak chic ri i pam, rajawaxic quiya' u k'ij ri Ajawaxel ri i Dios rumal ri utzalaj ulew ri u yo'm chiwe.”

Ri Rut 2:13

Ri are' xutzelej u bixic che: “Ri lal sibalaj cäban la utzil chwe, ri tzij tak la ri quebij la chwe quinquinojisaj che cu'lbal c'u'x. In c'u ch'abem la ruc' ch'uch'ujil, pune' ri in man quinjunamataj ta ruc' jun chque ri ixokib ri e pataninelab la.”

Ri Rut 2:15

Aretak c'u xbe chic che qui molic qui jolom tak sebad, ri Booz xuya' takanic chque tak ri u pataninelab: “Chiya' che chi chebumolo' qui jolom tak sebad chquixo'l tak ri ya'taj. Mik'il c'u che u banic.

Ri Rut 2:18

Xtzelej c'u chupam ri tinimit rekam ri sebad, xuc'utu' c'u chuwäch ri ralib chuchu'. Xresaj chi c'u ulok ri xto'taj che ri u wa re pa k'ij xuya' c'u che ri Noemi.

Nabe Samuel 17:17

C'o c'u jun k'ij ri Isayi xubij che ri David ri u c'ojol: “Chac'ama' juwinak wajxaklajuj (38) libra che we q'uilim trico ri', xukuje' lajuj caxlanwa chebac'ama' bic chanim pa ri ch'o'j chque ri awatz.

Nabe Samuel 25:18

Aninak xwalij ri Abigail xebuc'am quieb sient (200) caxlanwa, quieb tz'um u wa'l uva, job bolom chij, oxib arob pol, jun sient (100) lej re uva re pasa, quieb sient (200) lej re chaki'j higo; ronojel wa' xuya' chquij bur ri xec'amow bic,