Ri Rut 2:12 - Quiché Bible

¹² ¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”

Ri Rut 2:12 ပူးပေါင်းရင်းမြစ်များ

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

Salmib 19:11

Cajwataj c'u che u pixbexic we pataninel ech la ri', c'o cärechbej che ri qui nimaxic.

Salmib 36:7

¡Sibalaj mayibal ri lok'ok'ebal c'u'x la, nu Dios! Ri winak cäquitzucuj u ch'ukic quib chuxe' ri xic' la.

Salmib 57:1

Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Salmib 58:11

Cubij c'u na chbil rib: “¡C'o ba' rumal cux jic jun winak! ¡C'o jun Dios ri cuk'at tzij puwi' ri uwächulew!”

Salmib 61:4

Quinwaj quinc'oji' chupam ri achoch la chbe k'ij sak, quinch'uk wib chquixe' ri xic' la.

Salmib 63:7

lal c'ut ri quinto'w la. Quinquicot chquixe' ri xic' la.

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

E C'ambal tak Tzij 11:18

Ri banal etzelal cuc'am jun tojbal ri xa subunel; ri cuban suq'uil amak'el, jic ri tojbal rech cäya'ic.

E C'ambal tak Tzij 23:18

Utz c'u catel na are c'u ri eyebal a c'u'x mawi jubik' cäsachisax na u wäch.

Ri Jeremiy 31:16

Cächa c'ut ri Ajawaxel che: “Raquel, chatanaba' ok'ej; mebatix ri e u wa'l tak a wäch, ri e a c'ax caquirik na tojbal quech: ri e a awal quetzelej na ulok caquitzak na canok ri ulew c'ulel. In, ri Ajawaxel, quinjiquiba' u bixic.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Matey 5:12

Chixquicot ruc' nimalaj quicotemal, chiquic'am c'u na jun nimalaj tojbal iwech pa ri caj; je c'u c'axc'olil wa' xban chque ri e k'axal tzij ri xepe can nabe chiwäch ix.”

Ri Matey 6:1

“Chichajij iwib miban ri i suq'uil chquiwäch ri winak rech quixca'yex cumal. We je quiban wa', man c'o ta tojbal iwe ruc' ri i Tat ri c'o pa ri caj.

Ri Lucax 6:35

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

2 Timoteo 1:18

Chel ta u c'u'x ri Ajawaxel che pa ri k'ij ri'. Aweta'm ronojel ri chac ri xuban pa ri tinimit re Epes.

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

Hebreos 11:26

Xuchomaj chi are nimalaj k'inomal na chi cäyok' rumal rech ri Crist, chuwäch ri k'inomal re Ejipt. Are xril apan ri tojbal re.

Hebreos 11:6

We c'u man c'o cojonic, jun man cuya' taj cäkaj chuwäch ri Dios. Rajawaxic c'ut chi apachin ri cäkeb chuwäch ri Dios, chucojo' chi c'olic, xukuje' chi cuya' tojbal que ri winak ri cäquitzucuj ri are'.

Hebreos 6:10

Suc' ri Dios, man cäsach ta pa u jolom ri chac ri i banom chi xilok'ok'ej ri u bi' aretak xebipatanij ri cojonelab, xukuje' ne c'ä camic.

Ri Rut 1:16

Ri Rut xutzelej c'u u bixic: “¡Mätz'onoj la chwe chi cäya' ta la canok wumal quintas ta c'u wib che la! Quinbe na jawije' ri cäbe wi na la, xukuje' quinejekel na jawije' ri quejekel wi na la. Ri tinimit la cux na nu tinimit, ri Dios la cux na nu Dios.

Ri Rut 2:11

Ri Booz xutzelej u bixic che: “Sibalaj wetamam ronojel ri a banom che u to'ic ri awalib kas aretak cäminak chic ri awachajil, xukuje' wetamam chi e a yo'm can ri a nan a tat xukuje' ri a tinimit che a petic rech cateljekel kuc', ri uj winak ri man etamatal ta ka wäch awumal.

Ri Rut 2:13

Ri are' xutzelej u bixic che: “Ri lal sibalaj cäban la utzil chwe, ri tzij tak la ri quebij la chwe quinquinojisaj che cu'lbal c'u'x. In c'u ch'abem la ruc' ch'uch'ujil, pune' ri in man quinjunamataj ta ruc' jun chque ri ixokib ri e pataninelab la.”

Ri Rut 4:15

Ri are' cuya' na cu'lbal c'u'x chawe, catrilij c'u na c'ä pa ri a ri'jal, rumal rech chi are' ral ri awalib, ri sibalaj catraj ri are' utz na chawe chquiwäch wukub awal.”

Nabe Samuel 24:19

Kastzij, man c'o ta jachin jun cabanow taj chi aretak curik ri u c'ulel, ri ma ta cuch'ayo o cucämisaj. ¡Rumal c'u ri', chutojo' ba' rajil u q'uexel ri Ajawaxel chawe ruc' utzil ri tok'ob ri a banom chwe camic!

Nabe Samuel 24:20

Camic quinch'obo chi at ri catcanaj che ajawinel, utz quel na ri ajawinic pa Israel chuxe' ri a takanic.