Ri Rut 2:10 - Quiché Bible

¹⁰ Ri Rut xumej rib c'ä cho ri ulew che u c'utic chi c'o u q'uixbal, xuban c'ut we c'otoj chi'aj ri' che ri Booz: “¿Jas ri banowinak chi nu rikom ri tok'obisabal wächaj chwäch la, cäban c'u la utzil chwe, man c'u ne in ta aj waral?”

Ri Rut 2:10 ပူးပေါင်းရင်းမြစ်များ

Chapletajic 18:2

Ri Abraham xebuwalijisaj ri e u bak'wäch xtaki' c'u u wäch chque oxib achijab ri e tac'atoj ulok chuwäch. Aretak xerilo, aninak xwalij che qui c'ulaxic, xumej rib c'ä xuya' na ri u palaj cho ri ulew.

Ucab Samuel 19:28

Pune' c'u conojel ri e rachalaxic ri nu tat ya'tal ri qui cämisaxic chwäch la, we pataninel ech la ri' xula'x che ri wa'im pa ri webal la. ¿Jas ta chic ri quinwaj quintz'onoj ta chi che la?”

Ucab Samuel 7:18

Xoc c'ut ri ajawinel David che tzijonem chuwäch ri Ajawaxel, xubij c'ut: “Ajawaxel, ¿in jachinok xukuje' jas c'u qui banic ri wachalaxic chi banom la chwe chi in opaninak c'ä waral?

Ucab Samuel 9:8

Ri Mepi-boset xumej rib xubij c'ut: “¿Jasche coc la il che we pataninel ech la ri', ri in xa in junam ruc' jun cäminak tz'i'?”

Aj Levitib 19:34

Je chibana' che ri man i winakil taj jacha' ri quiban che ri i winakil; chilok'ok'ej, xäk c'u junam iwuc', je c'u ne xiban ix xa xiwokxanij na iwib pa Ejipt. In ri' ri Ajawaxel ri i Dios.

Ri Matey 25:35

Rumal rech chi xinnumic, xiya' c'u jas xintijo. Xchaki'j nu chi', xiya' jas xinwuq'uiaj. Xinwonocatic, xinic'ulaj.

Ri Lucax 1:43

¿Jachin ri in, chi ri u nan ri Wajaw cäpe wuc'?

Ri Lucax 1:48

Rumal rech chi xel u c'u'x che ri u pataninel ri man nim ta quil wi. Chilampe' la, kas camic conojel ri winak cäquibij na chi utz we.

Romanos 12:10

Chilok'ok'ela iwib chi ix jacha' achalaxelab, chebiyala' tak i k'ij nim c'u chebiwila' wi tak iwib.

Ri Rut 2:11

Ri Booz xutzelej u bixic che: “Sibalaj wetamam ronojel ri a banom che u to'ic ri awalib kas aretak cäminak chic ri awachajil, xukuje' wetamam chi e a yo'm can ri a nan a tat xukuje' ri a tinimit che a petic rech cateljekel kuc', ri uj winak ri man etamatal ta ka wäch awumal.

Ri Rut 2:13

Ri are' xutzelej u bixic che: “Ri lal sibalaj cäban la utzil chwe, ri tzij tak la ri quebij la chwe quinquinojisaj che cu'lbal c'u'x. In c'u ch'abem la ruc' ch'uch'ujil, pune' ri in man quinjunamataj ta ruc' jun chque ri ixokib ri e pataninelab la.”

Ri Rut 2:19

“¿Jawije' ri xatepich'olin wi camic?” xcha' ri Noemi che. “¿Jawije' ri xebamol wi ri q'uialaj tak qui jolom sebad? ¡Tewichital ri je a to'ic wa' u banom!” Ri Rut xutzijoj che ri ralib jachin ruc' ri xepich'olin wi. “Ri achi ri xinepich'olin na wi, Booz u bi',” xcha' che.

Ri Rut 2:2

C'o jun k'ij ri Rut xubij che ri Noemi: “Ya' la chwe chi quinbe pa ri ulew, che rilic we c'o jun aj k'atanel cuya' chwe chi quinteri' chrij che qui molic qui jolom sebad ri quecanaj canok.” “Jät wal,” xcha' ri ralib chuchu' che.

Ri Rut 2:9

chatteren c'u chquij jawije' ri cawil wi chi quechacun wi ri ajk'atolob. Nu yo'm takanic chque ri ajk'atolob ri cätajin quechacunic chi c'o jun muya' latz' chawe. Aretak cächiki'j a chi', jät jawije' ri e c'o wi ri c'olbal tak ja', chac'ama' c'u awe ri ja' ri caquesaj.”

Nabe Samuel 25:23

Ri Abigail xuwi xril apan ri David, xkaj chrij ri bur xumej rib c'a cho ri ulew che u c'utic chi nim caril wi.