Ri Rut 1:5 - Quiché Bible

⁵ xecäm we quieb achijab ri' ri Malon xukuje' ri Quelion, xmalamob c'u can ri Noemi, man e c'o ta chi ral mawi rachajil.

Ri Rut 1:5 ပူးပေါင်းရင်းမြစ်များ

Ri Isaiy 49:21

Cabij c'u na at pa ri awanima': ‘¿Jachin e yowinak we alc'ualxelab ri' chwe? Ri in man e c'o ta wal, mawi xincuin che qui ya'ic in esam bic pa ri nu tinimit, in c'amom bic pa jun ulew chic naj in c'o wi, ¿jachin xeq'uiyisanic? In yo'm c'u can nu tuquel, ¿jawije' xepe wi?’ ”

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Lucax 7:12

Aretak xebopan chunakaj ri tinimit, xrilo chi telem bic jun cäminak che u mukic. Ri cäminak xa' jun chi ala, ral jun nanaxel malca'n. Achilam c'u cumal q'uialaj winak re ri tinimit.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.

Ri Rut 1:2

Xrachilaj ri Noemi ri rixokil xukuje' ri e quieb u c'ojol, ri Malon xukuje' ri Quelion. Conojel ri are' e aj eprateyib, quel cubij, e aj Belen xebopan pa Moab, xejeki' c'u can chila'.

Ri Rut 1:4

Xec'uli' c'u na cuc' quieb ixokib aj moabib; jun chque Orp u bi' ri jun chic Rut. Oc'owinak chi c'u lajuj junab

Ri Rut 1:6

C'o jun k'ij xopan u bixic ruc' ri Noemi pa Moab chi ri Ajawaxel xel u c'u'x che ri u tinimit, xusachisaj c'ut u tza'm ri k'ijol re ri wi'jal.