Ri Rut 1:20 - Quiché Bible

²⁰ Ri are' xutzelej u bixic chque: “Man quibij ta chic Noemi chwe; C'ayil chixchok chwe, rumal rech chi ri Dios ri c'o ronojel u cuinem in u nojisam che c'ayil.

Ri Rut 1:20 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 43:14

Chubana' ba' ri Dios ri c'o ronojel u cuinem chi cutok'obisaj i wäch ri tata', rech cutzokopij ulok ri Simeon xukuje' ri Benjamin ri quic'am bic. We c'u quebesax ri nu c'ojol chnuwäch ¡je' ba' chbanok!”

Ri Job 11:7

¿La are ta c'u pa a c'u'x chi catcuinic canim ta awib chquipam tak ri rawatalic ri Dios catopan ta c'u c'ä chupam ri u najil ri u suq'uilal ri Dios?

Ri Job 19:6

Kas ba' chi wetamaj chi are' ri Dios banowinak ri c'ax chwe, are banowinak chi in kajinak pa ri c'amibal.

Ri Job 5:17

Utz rech ri winak ri cäyaj rumal ri Dios; mawetzelaj u wäch ri u yajanic ri c'o ronojel u cuinem.

Ri Job 6:4

Ri c'o ronojel u cuinem e u t'isom tak ri e ch'ab chwe, ri e qui k'inob quejuch'uch'ilab pa tak ri nu cuerp, ri Dios in u nojisam che xe'n tak ib cumal tak ri c'ax ri e u banom chwe.

Ri Job 9:18

quinunojisaj na ri' che c'ayil man cuya' ta na ri' chwe quinjic' ri wuxlab.

Salmib 73:14

Pa conojel c'u jok'otaj quepe ch'ayiquil panuwi', ronojel c'u ak'abil cäc'äjisax nu wäch.

Salmib 88:15

Pa ri nu c'ojolal ulok nu rikom c'ax, in c'olinak ulok chunakaj ri cämical e nu coch'om xibibal tak jastak ri takom la ulok chwij, man quinch'ij ta chi c'ut.

Elem 15:23

Aretak xebopan pa Mar, man xecuin taj xquitij ri ja' ri c'o chila' rumal ri u c'ayil. Rumal ri' xcoj Mar che u bi' we c'olbal ri'.

Elem 6:3

Xinc'ut wib chuwäch ri Abraham, ri Isaac, ri Jacob, ruc' ri bi'aj: Dios ri c'o ronojel u cuinem, man xink'alajisaj ta c'u ri kas nu bi' chquiwäch: RI AJAWAXEL.

Ri Isaiy 38:13

Ronojel ri jun ak'ab quinrak nu chi' je ta ne chi jun coj cätajin quebuwak ri nu bakil. Chi pa k'ij chi chak'ab nu rikom c'ax umal la.

Hebreos 12:11

Man c'o ta jun, aretak cäc'äjisax u wäch, ri cuchomaj chi quicotemal pa ri k'ij ri', xane' bisobal. C'äte chi c'ut cuya' na jamaril xukuje' suq'uil pa ri u c'aslemal ri xc'äjisax u wäch, jas jun tico'n cuya' wächinic.

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 21:22

Man xinwil ta c'u ri k'ijilabal chupam. Are c'u ri k'ijilabal re we tinimit ri' are ri Ajawaxel, Dios ri c'o ronojel u cuinem xukuje' ri Alaj Chij.