Ri Rut 1:17 - Quiché Bible

¹⁷ Quinecäm na jawije' ri quecäm wi na la, chila' c'ut quinwaj quinmuk wi na. ¡C'axalaj u c'äjisaxic nu wäch chubana' ri Ajawaxel we quintas can wib che la, xuwi we are ri cämical quintasowic!”

Ri Rut 1:17 ပူးပေါင်းရင်းမြစ်များ

Ucab Samuel 15:21

Ri Itay xutzelej u bixic che ri ajawinel: “Quinban na ri chi'nic ri kas cäban na chuwäch ri Ajawaxel Dios xukuje' chwäch la, chi apachique c'olbal ri cac'oji' wi la, we che c'aslemal o che cämical, chila' xukuje' cac'oji' wi na we pataninel ech la.”

Ucab Samuel 19:13

Xukuje' xuya' chic we takanic ri', chi chbix che ri Amas: “At, junam nu quiq'uel awuc', jeri' kas camic cachaptaj bic at ri catux na quinimal ri wajch'ojab, che u q'uexwäch ri Joab. We c'u man quintz'akatisaj jas ri quinbij chawe, chuya' cowilaj c'äjisabal nu wäch ri Ajawaxel.”

Ucab Samuel 3:35

Xbochi'x c'u ri David chi chutija' jun jasach c'ä majok chkaj ri k'ij are' c'u ri David xuban ri chi'nic ri kas cäban na: je xubij wa' “¡Nimalaj chc'äjisax nu wäch rumal ri Dios, we quinna' ri caxlanwa o apachique jasach c'ä majok chkaj ri k'ij!”

Ucab Samuel 3:9

¡Chc'äjisax nu wäch rumal ri Ajawaxel we man quinban che ri David jachique ri u chi'm u banic ri Ajawaxel che,

Nabe Ajawinelab 13:31

Aretak c'u muktajinak chic, xubij chque ri e u c'ojol: “Aretak quincämic, chinimuku' chupam ri kas junam mukbal ri xinmuk wi we achi ri' rech ri Dios. Chebiya' ri nu bakil cuc' tak ri rech,

Nabe Ajawinelab 19:2

Ri Jezabel xutak jun tako'n che u bixic che ri Eliy: “¡We ri at at Eliy, ri in in Jezabel! Chiquiya' c'u c'axalaj c'äjisabal wächaj ri diosib chwe, we je tak wa' chwek, ma ta je nu banom chawe je jas ri xaban chque we e k'axal tzij ri'.”

Nabe Ajawinelab 2:23

Xuwi xbitaj wa' ri ajawinel Salomon xuban na ri chi'nic ri kas cäban na pa ri u bi' ri Ajawaxel: “¡Chuya' c'axalaj c'äjisabal wäch ri Dios chwe, we ri Adoniy man cutoj ta na ri u bim, ruc' ri u c'aslemal!

Nabe Ajawinelab 20:10

ri Ben-adad xutak u bixic che ri Acab: “¡C'axalaj u c'äjisaxic nu wäch chquibana' ri diosib, chi ri puc'uc' ulew ri c'o pa Samar man cubana' taj chi ri e c'o wuc' caquic'am ta jutak muk' quech!”

Ucab Ajawinelab 6:31

Co xurak u chi' ri ajawinel: “¡Chuya' nimalaj c'äjisabal wächaj ri Dios chwe we kas pa ri k'ij camic man quesax ta ri u jolom ri Elisey, ri u c'ojol ri Sapat!”

Salmib 45:10

Chattatabenok, alaj nu mia'l; chacojo retal ri quinya' u bixic chawe: Menataj chi chawe ri awachalaxic xukuje' ri a winakil,

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Ri Rut 1:16

Ri Rut xutzelej c'u u bixic: “¡Mätz'onoj la chwe chi cäya' ta la canok wumal quintas ta c'u wib che la! Quinbe na jawije' ri cäbe wi na la, xukuje' quinejekel na jawije' ri quejekel wi na la. Ri tinimit la cux na nu tinimit, ri Dios la cux na nu Dios.

Ri Rut 4:15

Ri are' cuya' na cu'lbal c'u'x chawe, catrilij c'u na c'ä pa ri a ri'jal, rumal rech chi are' ral ri awalib, ri sibalaj catraj ri are' utz na chawe chquiwäch wukub awal.”

Nabe Samuel 14:44

Ri Saul xurak u chi', xubij: “¡Chuya' ri Ajawaxel jun c'axalaj c'äjisabal wächaj chwe we man catcäm ri at, Jonatan!”

Nabe Samuel 20:13

we c'u ri nu tat cubij chi cuban c'ax chawe, ri Ajawaxel chuya' c'äjisabal wächaj chwe we man quinya' u bixic chawe xukuje' we man catinto' che u to'tajisaxic awib pa utzil. Chatuto' c'ut ri Ajawaxel jacha' ri cuban che u to'ic ri nu tat.

Nabe Samuel 25:22

Xuban ri chi'nic ri kas cäban na chuwäch ri Ajawaxel, xubij: “¡C'axalaj u c'äjisaxic nu wäch chubana' ri Dios we je tak wa' chwek man nu sachom ta qui wäch conojel ri achijab ri e rachalaxic ri Nabal!”

Nabe Samuel 3:17

Ri Eli xuc'ot u chi' xubij che: “¿Jas ri u bim ri Ajawaxel chawe? Catinbochi'j chi chabij ronojel chwe. ¡Chnimalaj c'u chc'äjisax a wäch rumal ri Dios we c'o jas cac'u' can che ri xubij chawe!”