Ri Nahum 2:3 - Quiché Bible

³ E quiäk ri e qui quetecak ch'ich' ri e banal tak qui ch'o'j xukuje' e quiäk ri catz'iak ri e rajch'ojab. ¡Xak queyem chic jampa' quebanok ri ch'o'j! Ri e qui carwaj e je ta ne e re k'ak'; ri e qui quiej tak xak quebel chi ch'u'j.

Ri Nahum 2:3 ပူးပေါင်းရင်းမြစ်များ

Ri Job 39:23

pune' sibalaj cayojyot ri u c'abal u ch'ab ri ajquiej caquesaj ta c'u k'ak' ri e tz'imaj ch'ich' xukuje' tak ri ch'ab.

Salmib 80:13

Ri juyubal ak cupatz'alej; ¡ri juyubal tak awaj caquiwako!

Ri Isaiy 14:8

Xukuje' ne tak ri chäj, ri chacalte' ri e c'o pa ri Libano quequicotic chi xatch'äctajic, cäquibij c'ut: ‘Kas aretak xatkajic man c'o ta jun uj t'akininak chic.’

Ri Ezequiel 23:24

Quepe na che u banic c'ax chawe, e cuc'am ulok carwaj ri man quebajilataj taj xukuje' e banal tak ch'o'j; caquisutij na a wij pa ronojel c'olbal, cuc'am tak qui ch'ojibal qui cojom to'bal tak qui jolom xukuje' tak qui quetecak ch'ich', ri in quinya' na pa qui k'ab chi caquik'at na tzij pawi', caquik'at c'u na tzij pawi' jas ri qui pixab.

Ri Ezequiel 26:7

In, ri Ajawaxel quinbij: Quinbano chi cäpe pa ri riquiak'ab elebal k'ij ri Nabucodonosor, ri ajawinel pa Babilon, ri ajawinel ri c'o na nimalaj u chuk'ab, rech cäch'ojin ruc' ri Tir. E ruc'am quiej capetic xukuje' tak carwaj xukuje' ajquiejab, e ruc'am c'u ulok q'uialaj ajch'ojab.

Ri Nahum 3:2

¡U pak'alejic rapubal, u tararem quetet! ¡u pa cakan quiej, carwaj tak ri quepixc'onic!

Ri Zacariy 1:8

C'o jun ak'ab xinwil jun c'utwächinic: Xinwil jun ajquiej ri quiejeninak chrij jun quiej quiäk rij. Tac'al pa jun beya', chquixo'l tak ri k'echob, e c'o chi juk'at quiej chrij, jujun e quiäk, jujun chic tz'iquitz'ak quij, jujun chic c'ut e sak.

Ri Zacariy 11:2

¡Chatok'ok, oh chäj, rumal rech chi xjilijob ri chacalte', rumal rech chi we je'lic tak che' ri' xet'aktajic! ¡Chixch'ikowok ix, tz'unuj tak che' re Basan, rumal rech chi ri k'ekumalaj c'ache'laj e t'akatajinak chic!

Ri Zacariy 6:2

Ri nabe carwaj jurum cumal quiej quiäk quij; ri ucab, cumal quiej k'ek quij;

Apocalipsis 12:3

Xilitaj chi jun etal pa ri caj: Xinwil jun nimalaj dragon quiäk rij, ri e c'o wukub u jolom, e c'o lajuj ruc'a', paquiwi' ri e u jolom e c'o wukub corona'.

Apocalipsis 6:4

Xel ulok jun quiej chic, quiäk rij. Ri t'uyul chrij, xya' chuk'ab che chi cäresaj bic ri jamaril chquixo'l ri winak cho ri uwächulew, cäquicämisala' c'u quib. Xya' c'u jun nimalaj ch'ich' re ch'o'j che.