Ri Miquey 7:11 - Quiché Bible

¹¹ Jerusalen petem cuban ri k'ij aretak ri e nimak tak a tapia queban chi na qui yaquic ri e a c'ulbat queyukupij na.

Ri Miquey 7:11 ပူးပေါင်းရင်းမြစ်များ

Ri Nehemiy 2:8

jun ta chi c'u wuj cätz'ibax ta chi bic ri caya' che ri Asap, ri chajil u c'ache'laj ri ajawinel, chi chebuya' ta ri che' chwe che qui ch'ukic ri oquibal tak ri c'o wi ri rachoch Dios, xukuje' ri rech ri nim tapia rech ri tinimit xukuje' ri rech ri ja ri quinejekel wi na. Are c'u ri ajawinel ronojel xuya' chwe rumal rech chi c'o ri utzalaj u to'banic ri nu Dios wuc'.

Ri Isaiy 54:11

“¡Meba'laj tinimit, ri a rikom c'ax rumal ri cakulja, man c'o ta jun cäcu'bisan ta a c'u'x! In quebencoj na ri e awabaj puwi' ri räx abaj ri asabach, ri e a tac'alibal puwi' ri je'licalaj mex abaj ri sapir,

Ri Nehemiy 4:6

Xkatakej u banic u yaquic ri nimalaj tapia, ri opaninak chic u yaquic c'ä pa niq'uiaj. Ri winak quechacun ruc' ronojel ri canima'.

Ri Nehemiy 4:3

Pa u xcut c'o wi ri Tobiy, ri aj amon, ri xubij chic: “Xak chi c'u che u tz'akat, chica'yej ri tapia ri cätajin caquiyaco; ¡Cacuin c'u ne xa jun yac che u wulixic we capaki' puwi'!”

Ri Nehemiy 2:17

Xinbij c'u chque: “Ri ix kas iweta'm ri c'axalaj c'ulmatajic ri uj riktajinak wi, ri Jerusalen e yojyobinak, ri e roquibal e ak'alirinak. Chijunaj iwib wuc', kabana' u yaquic ri u nim tapia ri Jerusalen, rech ma ta cätakex ka yok'ic.”

Ri Daniel 9:25

Rajawaxic cawetamaj xukuje' cach'ob wa': Kas pa ri jok'otaj ri cäya' takanic che u banic xukuje' ri u yaquic chi jumul ri Jerusalen, c'ä pa ri ropanic ri Ajawinel ri u cha'om queboc'ow na wukub (7) wukutak k'ij e are c'u ri be xo'l tak ri ja pa ri tinimit xukuje' tak ri e u tapia ri e c'o chquij ri e yacom chi jumul pa Jerusalen quebeytaj na oxc'al quieb (62) wukutak k'ij, sibalaj c'u e re rikoj tak c'ax we k'ijol ri'.

Ri Isaiy 54:2

Chanimarisaj ri a lic'om cäbal re binem, maxe'j awib che u liq'uic ri panibal ri at c'o wi chayuku' rakan tak ri tanibal, co chebabajij tak ri ch'ic,

Ri Isaiy 58:12

Ri a tinimit quebuban chi na qui banic ri ojer tak ja ri e wulijinak, quebuc'ojoj na tak ri tac'alibal ri e cojom sibalaj ojer. ‘Yacal tzakinak tak tapia cuchi'x na ri a tinimit’, xukuje' ‘Banal qui banic wulijinak tak ja.’ ”

Ri Isaiy 61:4

Caban chi na qui banic ri e k'e'l tak yojyobic, queyac chi na nimak tak ja ri sibalaj ojer chic e tzakinak, cäban chi na qui banic ri tinimit tak ri e etzelatajinak.