Ri Matey 8:2 - Quiché Bible

² Xopan c'u jun achi c'o ch'a'c chrij. Xxuqui' chuwäch ri Jesus, xubij che: “Wajaw, we caj la, cäcuin la che nu josk'ixic.”

RI KꞌAKꞌ TESTAMENTO PA TZIJOBꞌAL KꞌICHEꞌ

² Xaq kꞌa te xqet jun chꞌaꞌk achi rukꞌ, xukiꞌ choch, xubꞌij che: Ajawxel, wetaꞌm chi kakwin la chinukunaxik, ¿la kaj la kinkunaj la?

K'iche'

² Xopan c'u ruc' ri Jesús jun achi ri c'o itzel ch'a'c che. Xxuqui chuwäch ri Jesús, xubij che: Tat, ri in wetam chi cäcowin la che nu cunaxic we caj la, —xcha che.

K'iche' (New Orthography)

² Xopan k'u ruk' ri Jesús jun achi ri k'o itzel ch'a'k che. Xxuki chuwäch ri Jesús, xub'ij che: Tat, ri in wetam chi käkowin la che nu kunaxik we kaj la, —xcha che.

Ri Matey 8:2 ပူးပေါင်းရင်းမြစ်များ

Ucab Samuel 3:39

Rumal c'u ri' ri in, pune' in ri ajawinel ri cha'om rumal ri Dios, quinna' chi in tukar chuwäch ri nimalaj etzelal ri xquiban ri e ral ri Sarb. ¡Are' ri Ajawaxel chyo'w rajil u q'uexelal che jachin xbanow we etzelal ri'!”

Ucab Ajawinelab 15:5

Ri Ajawaxel xuc'äjisaj u wäch ri ajawinel ruc' ch'a'c c'ä pa ri k'ij aretak xcämic, jeri' ri ajawinel xak u tuquiel xjeki' chupam ri rachoch, man c'o ta rech che ri u chac, are' c'u ri Jotam ri u c'ojol are' ri xk'atan tzij puwi' ri nim tinimit.

Ucab Ajawinelab 5:1

C'o jun achi Naaman u bi', qui nimal rajch'ojab ri ajawinel re Siriy, sibalaj lok' xukuje' sibalaj cätok'obisax u wäch rumal ri rajawinel, rumal chi ri Ajawaxel u yo'm ri ch'äcanic che ri Siriy rumal rech are'. Yawab c'ut we achi ri' c'o chuwilaj ch'a'c chrij.

Ucab Ajawinelab 5:27

Rumal c'u rech wa', ri u ch'a'c ri Naaman cusipaj na rib chawe xukuje' chque ri awija'lil amak'el.” Aretak xel bic ri Jiez chuwäch ri Elisey, nojinak che ch'a'c ri sibalaj sak niquinoj jacha' ri sakalaj tew.

Ajilanic 12:10

Xuwi c'u xnajtin ri sutz' che ri Lic'om Rachoch Dios, ri Mariy xnoj che chuwilaj ch'a'c, xsakniquinob ri u tz'umal. Aretak ri Aaron xutzalc'atij rib che rilic ri Mariy, xril c'ut chi nojinak che chuwilaj ch'a'c,

Ri Matey 10:8

Chebicunaj yawabib, chebic'astajisaj cäminakib, chebicunaj ri c'o ch'a'c chquij, rech quebux ch'ajch'oj, chebiwesaj itzel tak uxlabal. Man c'o ta xiya' che ri xic'amo; chiya' c'u chque ri winak, man c'o ta jas quitok'ij chque.

Ri Matey 13:58

Man xebuban ta c'u q'ui nimak tak mayibal chila', rumal rech chi ri winak man c'o ta qui cojonic che.

Ri Matey 14:33

C'äte ri' ri e c'o pa ri jucub xquik'ijilaj ri Jesus, xquibij: “Kastzij lal ri' ri u C'ojol ri Dios.”

Ri Matey 15:25

Xpe c'u ri chuchu', xxuqui' chuwäch ri Jesus, xubij: “Wajaw, chinto' la.”

Ri Matey 18:26

Are c'u ri pataninel xxuqui' chuwäch ri rajaw, xumej rib chuwäch, xubij: ‘Wajaw, cuyu' la ri nu mac, quintoj c'u na ronojel che la.’

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.

Ri Matey 20:20

Xopan c'u ri qui nan ri e u c'ojol ri Zebedey ruc' ri Jesus, e rachil ri ral. Xxuqui' chuwäch ri Jesus, che u tz'onoxic jun tok'ob che.

Ri Matey 26:6

C'o c'u ri Jesus pa Betan, cho rachoch ri Simon, ri xc'oji' ch'a'c chrij.

Ri Matey 28:17

Aretak xquil ri Jesus, xquik'ijilaj. E c'o c'u jujun ri xuban quieb qui c'u'x.

Ri Matey 28:9

Xuc'utuxtaj c'u rib ri Jesus chquiwäch, xuya' rutzil qui wäch. Ri ixokib xekeb ruc', xquichap ri rakan, xquik'ijilaj.

Ri Matey 4:9

Ri itzel xubij che: “Conojel wa' quebenya' chawe we catxuqui' chnuwäch, quinak'ijilaj c'ut.”

Ri Matey 8:1

Aretak ri Jesus xkaj ulok puwi' ri juyub, sibalaj q'ui winak xeteri chrij.

Ri Matey 8:25

Ri u tijoxelab xekeb ruc', xquic'asuj, xquibij che: “Kajaw, chujto' la, cäsach na ka wäch.”

Ri Matey 9:18

Aretak cätajin catzijon ri Jesus cuc', xopan c'u jun nim u k'ij, xxuqui' chuwäch ri Jesus, xubij che: “Ri nu mia'l c'äte jubik' ri' cäcämic. Saj ba' la. Chya' ri k'ab la puwi', cäc'asi c'u na.”

Ri Lucax 4:27

Xukuje' e q'ui c'o ch'a'c chquij pa Israel pa tak ri u k'ijol ri Elisey ri k'axal tzij. Man c'o ta c'u jun chque ri e are' xcunax ta rumal ri Elisey, xane' are' xcunax ri Naaman ri aj Siriy.”

Ri Xuan 9:38

Ri achi xubij: “Quincojonic, Wajaw.” Xuk'ijilaj c'ut.

Hechos 10:14

Ri Lu' xubij: “Jayi', Wajaw. Man c'o ta jumul nu tijom jun jasach tz'il mawi ri man josk'im taj.”

Hechos 10:25

Aretak oquem cuban ri Lu', xel ulok ri Cornel che u c'ulaxic, xxuqui' chuwäch, che u k'ijilaxic.

1 Corintios 14:25

quel na chi sak ri jastak ri e c'o pa ranima'. Je c'u ri' chi cutzak na rib cho ri ulew, cuk'ijilaj na ri Dios xukuje' cubij c'ut chi kastzij c'o ri Dios iwuc'.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.