Ri Lucax 9:48 - Quiché Bible

⁴⁸ xubij chque: “Apachin ri cac'amowan we ac'al ri' pa ri nu bi', in ri' quinuc'amowaj. Apachin c'u ri quinc'amowanic, are' cuc'amowaj ri xinutak ulok. Are' c'u ri ch'utin na chixo'l iwonojel, are wa' cux na nim u k'ij.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁸ Kꞌa te riꞌ xubꞌij: Ri kukꞌamawaꞌj we akꞌal riꞌ pa ri nubꞌiꞌ, in kinukꞌamawaꞌj, xuqujeꞌ ri kinukꞌamawaꞌj, kukꞌamawaꞌj ri xintaqow loq. Are sibꞌalaj nim uqꞌij ri man nim ta uqꞌij chi ixoꞌl ix.

K'iche'

⁴⁸ Xubij c'u ri Jesús chque: Apachin jun winak ri kas cäc'amow we ac'al ri' rumal wech in, in ri' quinuc'amo xukuje'. Apachin c'u ri quinc'amow in, cuc'am ri' xukuje' ri xintakow lok. Apachin c'u chiwe ri man nim tä u banic, tzare wa' ri nim na quinwil in, —xcha chque.

K'iche' (New Orthography)

⁴⁸ Xub'ij k'u ri Jesús chke: Apachin jun winaq ri qas käk'amow we ak'al ri' rumal wech in, in ri' kinuk'amo xuquje'. Apachin k'u ri kink'amow in, kuk'am ri' xuquje' ri xintaqow loq. Apachin k'u chiwe ri man nim tä u b'anik, tzare wa' ri nim na kinwil in, —xcha chke.

Ri Lucax 9:48 ပူးပေါင်းရင်းမြစ်များ

E C'ambal tak Tzij 18:12

Chrij ri banoj nimal cäpe ri tzakmajic; chrij ri mach'ibalil ri pok'otajic.

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Ri Matey 18:14

Je c'u ri', ri i Tat ri c'o pa ri caj man cäraj taj chi cäsach u wäch jun chque we ch'utik ri'.”

Ri Matey 19:28

Ri Jesus xubij chque: “Kastzij quinbij chiwe: Aretak cac'ac'arisax ronojel, aretak cät'uyi' na ri Rija'l winak puwi' ri u tem, ri sibalaj nim u k'ij, xukuje' ri ix ri in i terenem quixt'uyi' na paquiwi' cablajuj tem che u k'atic tzij paquiwi' ri cablajuj amak' re Israel.

Ri Matey 25:40

Ri Ajawinel cubij na chque: ‘Kastzij quinbij chiwe chi ronojel ri xiban che jun chque we ch'utik tak wachalal ri', chwe in xiban wi.’

Ri Matey 25:45

Ri Ajawinel cubij na chque: ‘Kastzij quinbij chiwe chi ronojel ri man xiban ta che jun chque we ch'utik tak wachalal ri', chwe in ri' man xiban ta wi.’

Marcos 9:37

“Apachin ri cuc'amowaj jun chque ri ac'alab ri je u banic jewa' pa ri nu bi', in ri' quinuc'amowaj. Apachin c'u ri quinc'amowanic, man in ta ri quinuc'amowaj, xane' are cuc'amowaj ri xintakow ulok.”

Ri Lucax 10:16

Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Ri Lucax 22:26

Are c'u ri ix, man je ta wa'. Xane' ri nabeal chixo'l chux je ta ne ri sibalaj ac'al na. Ri cätakanic chux pataninel iwech.

Ri Lucax 22:30

rech quixwa'ic, quixuq'uian pa ri nu mexa pa ri wajawibal, rech quixt'uyi' paquiwi' tak tem che u k'atic tzij paquiwi' ri cablajuj ramak' ri Israel.”

Ri Lucax 7:28

Quinbij chiwe chi chquixo'l conojel ri achijab man c'o ta jun ri nim ta u banic chuwäch ri Xuan Bautist. Are c'u ri sibalaj ch'utin pa ri rajawibal ri Dios, nim na u banic chuwäch ri are'.”

Ri Xuan 13:20

Kastzij, kastzij quinbij chiwe: Jachin ri cac'amowan ri quintak bic, quinuc'amowaj in; jachin c'u ri quinuc'amowaj in, cuc'amowaj ri xintakow ulok.”

Ri Xuan 14:21

Jachin ri c'o ri nu takomal ruc', ri u nimam c'ut, are ri' ri quinulok'ok'ej. Jachin c'ut ri quinulok'ok'ej, ri are' cälok'ok'ex na rumal ri nu Tat, ri in quinlok'ok'ej c'u na, quinc'ut c'u na wib chuwäch.”

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

1 Pedro 5:6

Chimach'a' ba' iwib chuxe' ri u k'ab ri Dios ri sibalaj c'o u cuinem, rech ri are' cunimarisaj i k'ij aretak cäpe ri k'ij.

Apocalipsis 21:14

Ri tapia ri c'o chrij ri tinimit, e c'o cablajuj u tac'alibal. Paquiwi' wa' e c'o ri cablajuj qui bi' ri cablajuj takom ri e rech ri Alaj Chij.

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.