Ri Lucax 9:39 - Quiché Bible

³⁹ Chilampe' la, amak'el cächap rumal jun uxlabal, xak c'ätetal curak u chi'. Ri uxlabal cuq'uiak jela', cupuluwisaj u pu chi', cuban c'ax che, xukuje' man cäraj taj cutzokopij.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁹ Kꞌo jun itzel uxlabꞌal che, xaq kꞌa teꞌ kuraqaqej uchiꞌ, katontiꞌrik, kawusuw upuꞌchiꞌ. Tajin kubꞌan kꞌax che.

K'iche'

³⁹ Amak'el cächap rumal jun itzelalaj espíritu. Curak u chi' ri ala. Ri itzelalaj espíritu cubak'atila', cupuluwisaj u pu chi', xukuje' cutota', —cächa'. Tzman craj taj quel che ri ala, —xcha ri tata'.

K'iche' (New Orthography)

³⁹ Amaq'el kächap rumal jun itzelalaj espíritu. Kuraq u chi' ri ala. Ri itzelalaj espíritu kub'aq'atila', kupuluwisaj u pu chi', xuquje' kutota', —kächa'. Tzman kraj taj kel che ri ala, —xcha ri tata'.

Ri Lucax 9:39 ပူးပေါင်းရင်းမြစ်များ

Marcos 9:18

Xa apawije' c'olbal ri uxlabal cuchap ri ala, cuq'uiak pa ulew. Cäpuluw u pu chi', cukuch'uch'ej ri u ware. Cäbakir c'ut. Xinbij chque ri tijoxelab la chi chquesaj bic ri itzel uxlabal, man xecuin ta c'ut.”

Marcos 9:20

Xc'am c'u ulok chuwäch. Aretak ri uxlabal xril ri Jesus, chanim xubak'atila' ri ala. Ri ala xtzak pa ulew, xuwolkotij rib, xpuluw u pu chi'.

Marcos 9:26

Ri uxlabal xurak u chi', sibalaj xubak'atij ri ala, xel bic. Xcanaj can ri ala je ta ne cäminak chic. Jeri' e q'ui xquibij chi xcämic.

Ri Lucax 4:35

Ri Jesus xuyajo, xubij: “Chatz'apij u pa chi', chatel che we achi ri'.” C'äte ri' ri itzel uxlabal xuq'uiak ri achi pa qui niq'uiajil ri winak, xel bic che, man c'o ta c'ax xuban can che.

Ri Lucax 8:29

Xubij wa' rumal rech chi ri Jesus xutak ri itzel uxlabal chi chel bic che ri achi. Q'ui mul c'ut c'o ri u cuinem ri itzel uxlabal puwi' ri achi. Pune' cäxim cuc' tikom tak ch'ich', ruc' chapbal akanaj, ri achi quebut'okopij wa', quel bic, cäc'am bic rumal ri itzel uxlabal pa tak chaki'j uwo sak.

Ri Lucax 9:38

Jun achi chque ri q'uialaj winak xurak u chi', xubij: “Ajtij, quinbochi'n che la chi chila' la ri nu c'ojol. Xuwi c'u nu c'ojol wa' c'olic.

Ri Lucax 9:40

Xebenbochi'j ri tijoxelab la che resaxic ri uxlabal, man xecuin ta c'ut.”

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

Apocalipsis 9:11

Ri tako'n aj caj re ri jul re ri k'ekumalaj c'olbal c'o paquiwi' ri sac' che cajawinel. Ri u bi' are Abadon pa ri ch'abal hebrey, Apolion c'ut pa ri ch'abal aj Gres.