Ri Lucax 9:18 - Quiché Bible

¹⁸ Pa jun k'ij ri Jesus cätajin cäch'aw ruc' ri Dios. E c'o ri u tijoxelab ruc' pa qui tuquiel wi. Ri Jesus c'ut xuc'ot qui chi', xubij: “¿Jachin ri in cäquibij ri q'uialaj winak?”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Jun qꞌijal are tajin kubꞌan chꞌawem ri Jesús, e rachiꞌl ri utijoxelabꞌ xuta chike: ¿In jachin in kakibꞌij ri winaq?

K'iche'

¹⁸ Pa jun k'ij ri Jesús tajin cuban orar. E c'o ru tijoxelab ruc' pa qui tuquiel wi. Ri Jesús xuchap u ta'ic chque, xubij: ¿Jas cäquibij ri winak chi jachin ri' ri in? —xcha chque.

K'iche' (New Orthography)

¹⁸ Pa jun q'ij ri Jesús tajin kub'an orar. E k'o ru tijoxelab' ruk' pa ki tukiel wi. Ri Jesús xuchap u ta'ik chke, xub'ij: ¿Jas käkib'ij ri winaq chi jachin ri' ri in? —xcha chke.

Ri Lucax 9:18 ပူးပေါင်းရင်းမြစ်များ

Ri Matey 14:23

Aretak xebujach can ri winak, xpaki' puwi' jun juyub pa u tuquiel wi che u banic ch'awem ruc' Dios. Xk'ekal chic, c'o chila' u tuquiel.

Ri Matey 26:36

Ri Jesus e rachil ri u tijoxelab xebopan pa ri c'olbal Jetsemani u bi'. Xubij c'u chque: “Chixt'uyul can waral. Quinbe na apan jela' che ch'awem ruc' Dios.”

Ri Lucax 11:1

Pa jun k'ij ri Jesus cätajin cuban ch'awem ruc' Dios pa jun c'olbal. Aretak xtänic, jun chque ri u tijoxelab xbin che: “Kajaw, chujtijoj la che ch'awem ruc' Dios, je jas ri Xuan xebutijoj ri u tijoxelab.”

Ri Lucax 3:21

Xc'ulmatajic chi aretak ri Xuan xuban ri qui bautism conojel ri winak ri xebopanic, ri Jesus xukuje' xban ri u bautism rumal ri Xuan. Aretak c'u cätajin cäch'aw ruc' Dios, ri caj xjaktajic.

Ri Lucax 6:12

Pa tak ri k'ij ri', ri Jesus xubana' ch'awem ruc' Dios pa ri juyub. Xroc'owisaj ri chak'abil pa ch'awem ruc' Dios.

Ri Lucax 9:19

Ri e are' xquibij che: “E c'o jujun ri cäquibij chi lal ri Xuan Bautist. Niq'uiaj chic cäquibij chi lal ri Eliy. E c'o niq'uiaj chic cäquibij chi lal jun chque ri ojer tak k'axal tzij c'astajinak.”

Ri Lucax 9:28

Bitajinak chi c'u we tzij ri', cäraj chuwajxak k'ij, ri Jesus xebuc'am bic ri Lu', ri Xuan xukuje' ri Santiag, xpaki' puwi' jun juyub che u banic ch'awem ruc' Dios.

Ri Lucax 9:29

Xc'ulmax c'ut, chi c'ä cätajin cäch'aw ruc' Dios, xq'uextaj ri u palaj ri Jesus chquiwäch. Ri ratz'iak xux sakloloj xukuje' cäjuluwic.