Ri Lucax 8:42 - Quiché Bible

⁴² Xa' c'u jun u mia'l c'olic, cäraj cablajuj u junab, xa' jubik' man quel ranima'. Benak c'u ri Jesus, cäpitz' cumal ri q'uialaj winak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴² Jeriꞌ rumal cher ri Jairo xa jun umiꞌal kꞌolik, kabꞌlajuj ujunabꞌ raj kꞌu kakamik, ri Jesús kꞌut xeꞌ rukꞌ ri Jairo, are kꞌu ri winaq sibꞌalaj e kꞌi, kakipuyila ri Jesús.

K'iche'

⁴² Xa jun chi u mia'l ri achi ri', craj cablajuj u junab. Cämic c'u cubano. Xe' ri Jesús ruc'. Benak c'u pa ri be, sibalaj cäpitz' cumal ri q'uialaj winak.

K'iche' (New Orthography)

⁴² Xa jun chi u mia'l ri achi ri', kraj kab'lajuj u junab'. Kämik k'u kub'ano. Xe' ri Jesús ruk'. B'enaq k'u pa ri b'e, sib'alaj käpitz' kumal ri k'ialaj winaq.

Ri Lucax 8:42 ပူးပေါင်းရင်းမြစ်များ

Ri Job 4:20

Chuxo'l ri ak'abibal xukuje' ri que k'ijibal cäsachisax u wäch; kas xa jumul cäcämic, man c'o ta c'u jachin ta coc il che.

Ri Tzijonel 6:12

Kas c'u tzij, man c'o ta jachin jun reta'm jachique ri utz na che ri winak pa ri ajilatal tak k'ij man c'o ta u beya'l, xak lok', ri are ri u c'aslemal. Ri e u k'ij queboc'ow na jacha' jun mumu'j, ¿jachin ta c'u lo ri cäcuin ta che u bixic che jas ri quec'ulmataj na pa we uwächulew ri' aretak cäminak chic?

Ri Ezequiel 24:16

“Xa' jun quinya' che resaxic ri winak chawäch ri sibalaj cawaj. Mat juyuw c'ut, mawi matok'ic; maturuwisaj u wa'l a wäch.

Ri Ezequiel 24:25

Camic quinwesaj na ri cäyo'w qui chuk'ab ri aj israelib, ri are' ri wachoch ri ruc' ri u je'lical sibalaj quixquicotic, ri sibalaj cäkaj chiwäch quiwilo xukuje' sibalaj quiwaj. Xukuje' quebenwesaj na ri iwalc'ual chiwe chi alabom chi alitomab.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Marcos 5:24

Ri Jesus xbe ruc', e q'ui winak xeteri bic chrij, cäquipitz' c'ut.

Ri Lucax 7:12

Aretak xebopan chunakaj ri tinimit, xrilo chi telem bic jun cäminak che u mukic. Ri cäminak xa' jun chi ala, ral jun nanaxel malca'n. Achilam c'u cumal q'uialaj winak re ri tinimit.

Ri Lucax 8:41

Te c'u ri' xpe jun achi Jair u bi', are qui nimal ri winak pa ri ja ri cäquitijoj wi quib ri aj judeyib che ri pixab. Ri are' xxuqui' chuwäch ri Jesus, xubochi'j chi chopan pa ri rachoch.

Ri Lucax 8:43

Xpe c'u jun ixok, c'o chi cablajuj junab xak quel u quiq'uel. Man c'o ta jun cuininak ta che u cunaxic.

Ri Lucax 8:45

Xubij c'u ri Jesus: “¿Jachin ri' ri xinnakowic?” Conojel c'ut xquibij chi man quinakomtaj. Xubij ri Lu' xukuje' ri e rachil: “Kajtij, ri q'uialaj winak ri quepitz'on la, quepakchi'n la pa ronojel c'olbal.”

Romanos 5:12

Je c'u ri', xa' rumal jun winak xoc ri macaj cho ri uwächulew xuc'am c'u ulok ri cämical, xk'ax c'u ri cämical chque conojel, conojel c'ut e macuninak.